Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani
Nationalno

Ando Båstad parudjolpe o patreto phej rom

Publicime torsdag 27 november 2014 kl 14.05
Adjes si maj laso o trajo
(6:08 min)
EU migrantia ando Båstad. Foto:SR/Radio Romano.
EU migrantia ando Båstad. Foto:SR/Radio Romano.

Trin shon kodoloske khana jekh familja phej panz mausha avile ando Båstad. Butji nas len! Sostar chi birinas pase the jutin! Khera nas len khaj the besen! Kade ande cerhende jutinde thaj phej vulici the mangen.

De adjes lenge trajo parudjilas phe maj laseste, khana i Gunilla Wikman las len pasa peste thaj das pesko kher perdal lenge.

I romani familija andaj Bulgaria si zurales losake sostar lengo trajo si totalno parudijo. Von dikhen phe phenge zutora sar jekh angelo.

Jekh hopp si len akanak phe jekh maj laso trajo!V i jekh andaj romnja the sas pherdo asvenca lake jakha khana vorbijas pa peske shavora. Savala inke si khere andi Bulgaria thaj savalen trubuj lengo zutipe khe aversar meg chi xabe chi avlas len so the xan.

Sako jekh manus khon alosarel the mukhel pesko them rodel jekh maj laso trajo. O suno lende si phe jekh maj laso trajo butjasa, khaj shaj den penga familija thaj penge shavoren shanca phej edjukacija thaj the avel len love phe sako djesesko xhabe. Sostar but anda kadala EU imigraton naj chi butji chi kher thaj chi shanca phe jekh maj laso trajo ande phenge thema.

De lengi problema zal maj dur sostar khana aven ando Svedo chi khote lengo trajo chi lelpe phe maj letko. Kadi familija khana resle ando Svedo sas the trajin ande cerhende ha phurdelas bajval ha delas ha delas o brisind len nas khaj the zan. Von trajinas khote bi pajesko.

I romani familja thela palune trin shon trajinas ande cerhende ando Båstad, De o shudro ivend sas phe o drom thaj i Gunilla Wikman sas so maj orolig anda kadala manusha. Sar von zanna the inkren avri ande cerhende soro ivend, vaj ande shudre motora.

Thaj kade lako gindo laspe the zutij prelende thaj the del perdal pesko kher lenge. Sostar voj chi kamlas kadala manusha the trajin thela o ivend ande jekh motori. I Gunilla chi dikhel phe khadala manusha sar kuldusa vaj sar mangitora voj phele khe kadala manusha mangen o zutupe thaj sako maus the zutijas atunchi vi i Luma mezijaspe avri phe maj lasi.

Chi avlas kado baro choripe phej manusha. Thaj voj kamel the zutij len! I romani familja adjes besen ando Båstad phej maj exslusivno vulica, i rekcija si vi negativno de i maj but si positivno. Khado saj khuvelpe khetane le Pappasko Franciskus zutimasa. Vov bisaldas pesko kolope phej romengo zutipe peske amaleske Carlos Luna.

Savo 5 novemberi bikindjolpe phe aktion ando Bukowskis. De le rom phene khe von mange the keren butji, de la butjaki shanca si phari anda kodo o zutipe trubuj len, thaj kodo naj pharo the delpe phenel i Gunilla Wikman.

The zutisa jekh vaj duje manushen kodolesa zutis vi maj buten, zutis lenga intregona familija. I Gunilla las kadale maushena zurales ande pesko ilo thaj phenel khe voj soha chi rakhadjilas kade lase manushenca ande pesko trajo.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".