Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani
Nationalno

Papa de Roma Franciskus kalott nas bitchindo

Publicime torsdag 4 december 2014 kl 11.17
Papa Franciskus kalott nas bitchindo
(3:49 min)
O Carlos Luna aj o Papa de Roma Franciskus
O Carlos Luna aj o Papa de Roma Franciskus

Sar phendam aratchi ando amaro programo o Papa de romasko kalott sas pe bitchinipe ando auktionskher Bukowskis. O kalott nas bitchindo anda kudo ke nas jekh dosta baro lovengo bud todino aratchi tala o auktion.

O pervo reaktcia khatar o Carlos Luna so si o manush so la o kalott khatar o Papa de roma Franciskus si ke andi jekh tem kaj si but manush so silen love chi dino konik jekh acceptovano bud.

O Carlos Luna vi phenel ke vo si chokovano pala kudo ke chi bitchindjolas aratchi o kalott. Vo vi vasdel ke o Papa de Roma da kado sar jekh podarko te shaj bitchindjol aj te zal e love te shaj avel e situatcia e romenge maj feder.

Naj ferdi o Carlos Luna si chokovano numa vi e Paulina Sokolow so si pressvorbitori anda Bukowskis so phenel ke voj inkhe chi acharda ke nas bitchindi aratchi o kalott pe o auktion.

E Paulina Sokolow phenel ke kado kalott trubulas te avel bitchindo pe jekh levelo so nas aratchi aj anda kudo vi atcharelpe voj besviken.

Pe o puchipe so shaj kherde maj feder vi o Carlos Luna aj o Bukowskis den o atveto ke angla o auktion sa so trubulas sas kherdino aj nas kantchi so mankilas andi angla butchi te shaj bitchindjol o kalott.

O Carlos Luna vasdel ke o Bukowskis kherde jekh surales lasho butchi te kheren o kalott matknadsföra aj vi ke line kontacto kusa but manush pe jekh surales profesialno moda.

Numa o Carlos Luna vi phenel ke akhana musaj te bolden le negativno gindoria pe maj positivno gindoria aj te sa jekh zanangle kusa lengo stiftelse aj te lenpe te kheren jekh lovengo insamling te shaj zutin e romen.

O Carlos vi siles duj gindoria pe so te kherel kusa o kalott.

O pervo gindo si te den parpale o kalott kaj o Papa de Roma Franciskus aj o dujto si te boldenpe kharing e 40 miljonoria katolikoria so trajin ando Amerika aj sar o Carlos phenel kham silen jekh maj feder atcharimos so e romen trubun.

Vi o Carlos Luna aj e Paulina Sokolow anda Bukowskis phenen ke kham si e situatcia so vorta zal ando Shvedo pe jekh politikarno levelo o gor ke nas bitchindo o kalott, o Carlos vi phenel ke sikhadjol ke si jekh kalo rik so si suralo ando Shvedo so sikhavelpe andi so zal ando politika.

E Paulina Sokolow phenel ke e siffra kham sas baro so o Carlos Luna toda ke von shaj aceptulin numa lat sas la o gindo tala sa e vrama ke kado sifra chi avela jekh problemo te arisen kharing tala o auktion.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".