Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani

Alice Bah Kuhnke pe ternenge djesa

Publicime tisdag 9 december 2014 kl 14.50
"Mange si vazno kado pushipe"
(5:44 min)
Alice Bah Kuhnke pe ternenge djesa Foto:Peter Lindberg/Radio Romano
Alice Bah Kuhnke pe ternenge djesa Foto:Peter Lindberg/Radio Romano

Kultur thaj demokratiministerka Alice Bah Kuhnke vorbijas pa rom ando Stockholm kana inkerdjionas pe - e ternenge djesa.

O Radio Romano rode e Alice Bah Kunkhe de trin shon pala kudo ke voj anklisti Kulturako aj domakratichno ministerajka aj sila e responsibilita ando nevo regeringo te lel o butchi so o purano intregratciako ministro erik Ullenhag inkherda e romantza.

Ame maladjilam kusa e Alice Bah Kunkhe tala o konferanso "ternenge djesa" so sas inkherdo ando ando Stockholmo kaj voj sas jekh gosto aj vorbitori te del duma pe lako gindoria pe e butchi e romentza.

Ame phendam lake ke but rom denpe gindo so avela kusa e butchi so o Erik Ullenhag lape te kherel aj ke e rom atcharenpe ke chi line inkhe atvetoria pe kado puchipe. Kadja phenelas amenge e Alice Bah Kunkhe pe kado.

Voj acharel o dar mashkar e rom pala e situatcia so si lenge ando tem. Voj vi atcharel ke ashukherdo si te zanen e rom so zala pe maj angle pala o lasho butchi so o Erik Ullenhag vuchem kherda.

Voj vi phenel ke chi trubul konik te daral ke vi lat sila o gindo te inkherel e butchi so o Ullenhag vasda numa voj khamel te vasdel o levelo pe kado butchi.

Ando budgeto so o Lolo aj zeleno regeringo vasda nas ramome kadja but pe so avela pe o roma inkludatcia pala o bersh 2015 aj pe kado del ame e Bah Kunkhe kado atveto.

Voj phenel ke von vorta akhana dikhen pe kado aj ke kheren evulatcia pe e butchi pe romano inkludatcia sar for examplo pe o brobyggare butchi so si andi pansh pilot kommunoria.

Voj vuchem akhan shaj del avri ke von chi teljarena kantchi pe maj angle numa ferdi atcharen ke len musaj te vasden o levelo pe e butchi pe kado.

Aj kas voj hasnil sar referenso ando lako butchi voj kadja phenel amenge.

Me hasniv e strukturoria so vuchem si aj vi hasniv e kontaktoria so vuchem si numa vi si man privatno romane amigoria so hasniv te shaj kherav jekh maj feder aj konkretno butchi kadala puchimatontza.

Khana ame maladjilam kusa o Ullenhag uni kurke parpale vo da andre motioner kaj o regeringo so si proposalie so trubunas von te inkheren kusa e butchi pe romani inkludatcia aj vo vi phenda amenge ke e Bah Kunkhe chi la inkhe lesa kontakto te shaj avel dino lestar lesko butchi late te shaj zal angle.

Numa e Bah Kunkhe phenel amenge ke voj akhana da duma vi lesa aj vi kon o Thomas Hammerberg pe e butchi pe romano inkludatcia.

E Bah Kunkhe vi phenel amenge ke chi trubus te daras ke kado puchimata naj importantno lake ke kado si jekh importantno puchimata vi lake.

Vorta akhana zal jekh pari situatcia andi Shvedistka politika kaj si te avel jekh nevi electsia ando shon mars pe khaver bersh. Aj e Bah Kunkhe phenel ke pares si lake te phenel sar kado shaj del efecto pa e romani inkludatcia numa avrfikaj phenel ke si lake jekh dar anda kudo ke si sora ando samhället so naj michto chi e romenge aj chi khanikaske ando tem.

Aj pe agor phenel amenge e Alice Bah Kunkhe anda e Miljöpartia ke te si ke o Sverigedemokratoria lena majbut glasoria ando nevo elektcia kado shaj del negativno efecto kharing e butchi e romentza aj kusa migratongo puchimata pala kudo ke te si ke von len sor ando riksdagen von vi shaj den efecto pe e diferentni riksdagsalosarimata andi uni puchimata so si pe kadala tematoria.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".