Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Nobloski pachiv shiol fokus po Shvedo

Publicime onsdag 10 december 2014 kl 11.37
"Nobloski historia kerel but"
(4:01 min)
Prisosko historia del zor ande Nobel priset. Foto: Lars Pehrson/TT.
1 av 2
Prisosko historia del zor ande Nobel priset. Foto: Lars Pehrson/TT.
Nobloski pachiv 10 december 2007. Foto: Henrik Montgomery/Scanpix
2 av 2
Nobloski pachiv 10 december 2007. Foto: Henrik Montgomery/Scanpix

Adjes si e nobloski ceremonia thaj miljonura manush dikhen ande shvedoski righ kana kadi ceremonia avla kerdi.

Gustav Källstrand anda Nobelmuseet phenel ke kado priso si historicno, kado sas o angluno baro internationalno priso thaj kana kado priso avilas avri barvajvenas kodol so njerinas kado ke o priso delas len but love.

E summa atunchi sas sa kechi sar te kerdov von buchi 20 bersh.

Noblosko priso si jekh ljumako nevipe sa e bare medi sar CNN, Al Jazeera thaj BBC mukhen nevimata thaj reportazhura pa Noblosko priso thaj Shvedo perel ande ljumaki jakh - ando fokuso.

Kado bersh lel o Noblo vi baro intresso ande Japonia thaj karring 100 journalistura avile te raportulin khatar.

Historicne sas kado jekh priso so delas zurales but love thaj pasha kodo sas kodol so njerinas vi pindjarde anda peski lashi buchi thaj kodo delas vi zor khaj kado ke sako so lelas o priso kerlas chachimasa variso vazno phenel o Gustav Källstrand maj dur.

E institutci so alosaren e manushen inkren bari pachiv thaj baro pachape anda kodo so von keren phenel o Gustav Källstrand.

E institutci si Vetenskapsakademin so del avri fysik thaj kemi priso, medecinako priso khatar Karolinska institutet, Svenska akademin del literaturako priso, Fredspriset si dino avri khatar norvegitsko stortinget ke o shvedo sas atunchi ande unia kusa norvego thaj Sveriges riksbank del ekonomiako priso.

Adjes si o priso pe 8 miljonura koroni thaj naj sa kade but sar kana o priso sas dino ando bersh 1901 angluni data ke o manush barvajvelas zurales.

Numa e love chi inkren sa kasavi zor sar khaj del e manushes than ande e historia.

Ke kodol so len Noblosko priso skrin pe ande ande ljumaki historia thaj kodo del maj but kvaliteta khaj kado priso phenel o Gustav Källstrand.

Adjes pe rachiate khiddena pe sa e manush so si akharde thaj djan ande Stockholms stadshus thaj han thaj pen thaj loshan ke vi von sas ande kadi exklusivno grupa so sas pe jekh nobloski gala.

John O´Keefe las noblosko priso ande fysiologia vaj medecina thaj vov phenel ke vov loshal ke vov djala pe kadi bari pachiv.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".