Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Mangel pe Söder te mukhel pesko than

Publicime tisdag 16 december 2014 kl 11.03
"Kadal ghindura si sar Hitleroske"
(4:13 min)
Björn Söder (SD), talman ando riksdagen. Foto: Henrik Montgomery/TT.
Björn Söder (SD), talman ando riksdagen. Foto: Henrik Montgomery/TT.

Björn Söder phendas sar vov dikhel si te avel kana manush aven ando them thaj trobun te nakhen asimilatcia.

Kadal vorbi si sar hitleroske vorbi, zurales chorres dikhen pe manush, von trobunas te ladjan pe akanak,

phenel o Lars-Jonas Johansson so si sametingsledamot.

Vov thaj kaver politicne manush kamen akanak o Björn Söder te mukhel pesko than sar vice talman.

Björn Söder si partiako sekretari ande Sverigedemokraterna thaj vov phendas ande gazheta Dagens nyheter so vov ghindoj si jekh Shvedano - jekh Svensk.

Vov phenlas ke manush musaj te nakhen asimilatcia thaj te len karing phende sa shvedicka zakonura thaj te mukhen penge kaver traditci thaj kultura kana von aven ando Shvedo.

Kana Svedicko radio vorbisardas lesa phendas vov ke e manush musaj te len perdal o Shvedicko zakono te kamen te kerdjion shvedanura.

Kana Shvedicko radio pushlas lestar sar vov ghindoj pa asimilatcia thaj kon trobuj te nakhel asimilatcia phendas vov ke feri e imigrantura si te nakhen asimilatcia thaj e 5 nationalne minoritetura chi trobuj te nakhen asimilatcia te kerdjion shvedanura.

Björn Söder phenel ke e 5 nationalne minoritetura, E sverigefinnar, tornedalningar, zhidevura, samer thaj e rom chi trobuj te nakhen asimilatcia te kerdjion Shvedanura.

Vov delas pe palpale pa kodo so e gazheta skrijas ke vov phendas ke e Samer thaj e zhidevura naj chache shvedanura zhi pun von chi nakhen asimilatcia ando them.

Vov phenlas ke vov chi phendas kado.

Niklas Orrenius anda Gazeta Dagens Nyheter phenel ke si les jekh mailo khaj vov bishadas o artiklo khaj Björn Söder te kerel o Söder kontrolla pe kodo so sas phendo lestar.

O atveto so Orrenius lel khatar Björn Söder si ke vov les achardardas thaj ke chi trobuj te kerel pe parujimata pala intervju thaj pasha kodo bishavel vov jekh smiley po agor.

Numa kado naj chuddno so Björn Söder thaj Sverigedemokraterna keren, phenel o Pontus Matsson so si politicno reporteri po SVT, Von mindik kernas kasave phenimata ke von inkren pe kade nationalisticno.

Pontus Matsson phenel ke o parujipe pe nationalne minoritetura khaj Sverigedemokraterna si kasavo akanak ke Sverigedemokraterna dikhle ke chi birin te njerin ande kodo pushipe.

Specialno kana dikhel pe pe samer so sas ando them angla sa e kaver shvedanura.

Akanak mangen but politikura te mukhel o Björn Söder pesko than sar vice talman numa o Pontus Matsson chi pachal ke vov mukhela pesko than.

Kadi debata so Björn söder vazdas pa Shvedanipe thaj kaver manush si rasisticno thaj kado vorbipe so vov phendas pa Samer shaja te kerel ke maj but nasulipe thaj diskriminatcia vazdela pe karing lende phenel e diskrimineringsombudsmannen Agneta Broberg

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".