Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
nationalno

Krechuno pashol

Publicime måndag 19 december 2016 kl 10.23
Romniango krechunesko stress ando Shvedo
(3:21 min)
Julklappar
När får man öppna dom här? Foto: Bertil Enevåg Ericson /TT

Kado kurko si o krechuno, o jul thaj but manush djukaren jekh familijno vrama, habesa, pimasa, loshasa, presentonca thaj te avel sa gata ando kher.

Ahle butivar bistrel pe sa e buchi so musaj te avel kerdo angla kadi vrama.

E manush musaj te djan ande boltci, trobuj te khiddel pe ando kher te kiravel pe thaj pasha kodo te avel o manush ande harmonia te birij pe te beshel pe sa e manushenca....

Butivar len e romnia jekh bari rolla ande kadi buchi thaj butivar huchilel len vi jekh baro stresso angla kadal djes...E romni Rullet phenel savo stresso la hucilel...

Rullete si jekh anda e but romnia so keren but buchi angla krechuno, voj si te djal ande boltci te khinel sa, te kiravel thaj vi te ushpeji te avel peska familjasa...

O krechuno si jekh shukar vrama numa vi jekh stressoski vrama thaj kana avel o krechuno djanen e romnia ke si but buchi angla kadal djes.

Kade si vi khaj e rosalina danielova.

Vi te si stresso si jekh buchi so zhutij thaj,  kodo si te planulij pe kadal buchia maj anglal thaj atunchi birij pe te loshal pe kana aven e djes phenel e Rullete.

Sako bersh peren manush ando stresso, thaj kodo si chuddno ke sako bersh ande sa kodi vrama avel o Krechuno thaj but vrama si e manushen te planulin, numa vi kade perel e manushes jekh stresso phenel e charli.

Problemo si kodo ke adjes phirel pe ande buchi thaj kana avel pe khere chi birij pe te kerel pe sa kadal buchia vi te djanel pe ke musaj.

Charli phenel ke voj planulisardas but angla krechuno, numa but kerdas pe thaj chi ushpejisardas te kerel sa.

Pasha kado si jekh kaver problemo... E manush len pengo pochin 23 december kado bersh thaj atunchi si o manush te ushpeji sakofalosa thaj kodo avla inke maj stressovano phenel e Charli maj dur.

Numa vi te si stresso thaj but buchi si kerdo angla si kadi vrama jekh shukar vrama jekh vrama khaj khidel sa e manushen phenel e Rullete.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".