Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Nationalno

Naj nevo alosaripe po kaver bersh pala zgoda

Publicime måndag 29 december 2014 kl 10.41
Foto: Maja Suslin/TT
Foto: Maja Suslin/TT

Chi avla extra-alosaripe ando mars po kaver bersh, adi decisija avilas gata savatone pala kodo ke o regeringo thaj e alliansoske-partiji dine ande zgoda pa neve regulura.

E regulura site kheren maj letko jekhe minoritetno regeringoske te aven ande zor vaj makto. Thaj kade phenlas o statsminister o Stefan Löfven po lengo jekhtuno press-konferanso.

- Kusa kadi zgoda, kaj kherel akanak possbilno le regeringoske te nakhel o budgeto de katar e propozicia angla milaj vaj o vårpropositionen aba ando april, chi lela o regeringo decisija pe extra alosaripe. Kado aba naj aktualno, phenlas o Stefan Löfven.

Aba le djesa angla o krechuno zalas hira ke e regeringoske partiji thaj e partiji anda Allianso inkrenas disskusiji o tena avel musaj nevo alosaripe. Thaj savatone o 27 december das o sherutno minsitro le Svedosko o Stefan Löfven ke chi avla extra alosaripe.

E shov partiji e Socialdemokraterna, Miljöpartiet, Moderaterna, Centerpartiet, Folkpartiet thaj e Kristdemokraterna dine ande zgoda pa uni regulura kaj site kheren maj letko jekh minoritetno reheringo te nakhel lesko budgeto.

E zgoda kaj bushol decemberöverenskommelsen, vaj e zgoda ando december si uladi ande trin kotora. Thaj intregi partiji ande zgoda sas chale kusa o resultato ferik na le Sverige demokraterna.

Skurto pala presskonferanso phendas o Mattias Karlsson, anda SD ke mangena jek nevo glasulipe te len thele le Stefan Löfvenos sar statsminister. Thaj kade phenlas e partiako sekretari o Björn Söder ando Ekot.

- Vov phendas ke chi avla ando makto pe alliansosko budgeto, thaj pala kode ke avla extra alosaripe. Vov chi inkrel peske puntura thaj atunchi naj pachape ande leste sar statsminster. Thaj kado vi sikhavel ke o SD si e jedino oppoziciaki partija, phenlas o Björn Söder, partiako sekretari ando SD.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".