Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Nationalno

Vi shaj kherdjol ando Shevdo

Publicime torsdag 8 januari 2015 kl 11.32
Vi shaj kherdjol ando Shvedo
(3:58 min)
Räddningsarbetare på den plats där södra Paris en skottlossning ägt rum. Foto: TT.
Räddningsarbetare på den plats där södra Paris en skottlossning ägt rum. Foto: TT.

E shveditska securitarno politcia dikhen pe so kherdjilo ando Paris pala o teroritchno atacko kharing jekh satir gazeta e anavesa Charlie Hebdo.

O Andres Kassman so si operativno chefo pe o myndighet phenel ke si jekh risiko ke vi ando Shvedo shaj kherdjol variso kadja seriosno.

- Kado so kherdjilo ando Franchuso si ando sa kudo ramka pe daraimata so ame si ame ando Shvedo, si jekh risiko ke vi ando Shvedo shaj kherdjol jekh kasavendar seriosno atacko.

Numa o vasdino levelo pe daraimata so vuchem si ando Shvedo so si 3 pe jekh tabelo zi ka 5 chi avela vasdino pala so sas ando Franchuso phenel o Kassman.

O Kassman majdur del pesko gindo te si ke jekh kasavendar atacko shaj vasdel khaver teroristoria te kheren sa kadja kharing mediako redactsie.

- Kanagodi si jekh risiko ke shaj kherdjol kadja. Naj normalno ke kherdjol pe dujto direktno pala jekh kasavendar atacko, numa khatka si faktororia so musaj te avel inkherdo andi gindoria.

Sako data ke kherdjolpe kasavendar seriosno djeli shaj avel jekh efecto ke vasdelpe khaver manush ke kheren sa kasavendar djeli phenel o Anders Kassman.

O artisto vaj konstnär Lars Vilks so vi vo sas tala daraimata pala provokatciako patretoria pa o profeto Muhammed phenel ke o dar andi manush pala so kherdjilope ando Paris si te avel vasdino.

- Von vorta line so khamle, von darade e manushen. Vuchem e manush sas ando dar maj anglal, numa pala kado incidento o gindo si ke o dar si te avel vasdino phenel o Lars Vilks.

E satirgazeta Charlie Hebdo kherda publicovano satirpatretoria so si asaimasko patretoria pe o profeto Mohammed aj sas jekh anda e internationalno gazetoria so kherde publicovano o asaimasko patreto pe o profeto Mohammed so o Jyllandsposten kehrde publicovano ando bersh 2006.

O Lars Vilks phenel ke o Charlie Hebdo si jekh gazeta so si jekh baro targeto pe kasavendar actsie pala kudo ke len silen surales ucho limita pe e liberta so von kheren publicovano ando lengo gazeta.

Ando Dinamarko e gazeta Jyllandsposten vasde lengi securita pala so kherdjilope andi Paris aratchi. Tala le ultimo desh bersh e gazeta line but daraimata pala kudo ke von kherde publicovano o asaimasko patreto pe o profeto Mohammed.

E gazeta chi khamen te den komentaroria pala o incidento ando Paris.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".