Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Nationalno

Vasdino daraimasko patreto kharing muslimanoria

Publicime fredag 9 januari 2015 kl 12.07
Daraimasko patreto kharing muslimanoria
(4:34 min)
Moské skadegörelse Mariestad
Foto: Mats Öfwerström / Sveriges Radio

Pala o teroritchno atacko ando Paris sas atackovano muslimanitsko rudgimasko lokaloria vaj moskeer ando Franchuso. Kado vuchem sas khana sas kasavendar incedentoria maj anglal sikhavel jekh rodipe khatar o Göteborgosko Universiteto.

Akhana o Islamiska förbundo ando Shvedo varnulin ke e hatbrott shaj vasdelpe aj phenen ke muslimanoria ando Shvedo te lenpe sama.

- So ame dikhalm tala o ultimo vrama si ke moskeer si atackovano aj vi privanto individoria si atackovano. Maj fugo e muslimanoske zuvlia so silen dikhlo si kaj si atackovano aj kado zanas pale expirencia.

Kado phenel o Mohammed Kharraki so si vorbitoro kaj o Islamiska föbundo ando Shvedo.

Pala o teroristno atacko kharing e satir gazeta Cherlie Hebdo ando Paris, kaj sas phendino ke e manush so kherde kado chipisarde arabitchno vorbi vaj slagord sas atackovano but moskeei krujal o Franchuso.

O Islamiska förbundo ando Shvedo dine avri jekh kommentaro ke von si kharing o atacko aj vi phende ke e muslimanoria ando Shvedo trubun te lenpe sama ke shaj vasdelpe o antimuslimanisko hatbrott pala o teroritchno atacko ando Paris.

O Göran Larsson kaj si profesoro ando religiakozanglimos kaj o Göteborgosko universiteto kherdas jekh rodipe pe kriminale actsie kharing patchaimasko förbundoria vaj trossamfund, vo phenel ke si gor te avel jekh dar mashkar e muslimanoria ke vasdelpe e hatbrott pala o atacko ando Paris.

- So shaj dikhel o manush andi palune studie aj actsie si ke ditchol jasno pe e internationalno aj globalno tana shaj del efecto pe jekh lokalno tan, so vi ando Shvedo. Anda kudo naj jekh chuda te si ke vasdelpe jekh tensia aj shaj kherdjolpe atackoria vaj khaver parimata.

E paraimata kharing muslimanoria si sa de khatar daraimasko mailoria zi kaj vandalismo aj organisovano atackoria phenel o Göran Larsson. Ke si kasavendar anti muslimanisko atackoria pala kasavendar incidentoria shaj ditchol andi intrego Evropa.

Vi o Mohammed Kharraki ando Islamiska förbundo ando Shvedo aj o Göran Larsson diken ke e daraimata kharing muslimanoria si variso so sako jekh xasarel ando. Vi gindin ke trubul e manush te arakhen jekh balanso ando tem kaj si religiako liberta, liberta te shaj phenes so khames vaj yttrandefrihet aj demokratsia aj te avel sa kado andektan.

Kado sas vuchem sumavdo ando Franchuso maj anglal phenel o Göran Larsson.

- So trubul te avel dikhlino si kudo so vuchem sas sumavdo ando Franchuso aj te arakhen jekh jekhimos kharing violencia aj kharing terorismo aj te avel demokratcia aj sa jekh varto mashkar e manush. E situatcia so si akhana si jekh situatcia kaj savore xasarel.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".