Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Nationalno

Exekutivno plano pa nationalni minoritetura ando Göteborg

Publicime tisdag 13 januari 2015 kl 13.07
"Dokumento kaj zurarel chachimata"
(5:23 min)
O phurano sherutno ando Sameföreningen, o Johannes Marainen
O phurano sherutno ando Sameföreningen, o Johannes Marainen. Foto: Sameradion

Pala duje bershengi buchi ando Göteborg foro si le akanak jek exekutivno vaj jek handlings-plano pe nationalni minoritetura ando foro.

Antti Yliselä, sherutno po planovanie ando statsledningskontoret ando Göteborg, phenel ke o atveto kusa o plano pe nationalni minoritetura si ke kamen te kheren jek plattforma vaj arena kaj e minoritetura shaj aven jek kotor anda buchi aj te den effekto.

- Kado si zurales importatno, ande jek kasavo baro te avel jekh jekhutno gindo vaj dhikipe thaj koordenacia ande kadal pushimata. Thaj pala kode site vorbisaras o foro site kherel buchi pa o zakono pa nationalni minoritetura. Kado so ame kherdam si ke phanglam so trobuj e minoriteton kusa o zakono thaj pala kode pushlam le minoritetondar "so acharen tume ke site kheras?", pala kado uladam e responsibiliita ando foto, phenel o Antti Yliselä.

O dialogo si aktivno de desh bersh aba, kaj o Sameföreningen ando Göteborg inkrenas khidimata kusa e kommunaki kommisia duvar andek bersh. O phurano sherutno ando Sameföreningen, o Johannes Marainen acharel ke sas le jek lasho thaj dosta intentivno kontakto kusa le komuni thaj akanak kamel te avel maj letko te zas angle kusa samiska pushimata.

- Me zurales loshav muri nadzeja si ke kado chaches dela effekto pe amare membrura thaj ke von lena kadi possibilita karing peste aj hasnina kado kaj si dino lenge, phenel o Johannes Marainen phurano sherutno anda Sameföreningen.

O Marainen phenel ke jek anda e maj importantni pushimata si e chib. Te arakhen sikavnen ande chib, ferik vi te des maj phuren zutipe pe samisko chib. Ferik ke te avel zutipe kana avel kaj intregi panch minoritetura, thaj te dichon maj zurales ando foro. Thaj kanak si o kaver paso konkretnie te dikhen po exekuticno plano kusa e foroske kotora thaj le minoritetura, phenel o Antti Yliselä.

- Kaj te kezdisaras, sar te kezdisaras? Jek kotor anda kadal processi thaj so kamen e minoritetura si aba ande buchi, thaj unji anda kadal bucha si amari nadzela ke kezdisarasa dosta sigo. Thaj kado kheras kusa kado ke akharas andre le responsibilni tjänstemän vaj buchara thaj pala kode te akharas le representanton pe minoritetura te inkren jek disskussia kehtanes, so znachij o exekutivno plano, phenel o Antti Yliselä anda Göteborgosko stadsledningkontor, vaj forosko offico.

O Radio Romano kherdas adjes telefono angla mizmeri kaj e Selina Adamsson, sherutni vaj projektsamordnare pe romani inkludacia ando Göteborg kaj si le jek rolla ande buchi kusa o exekutivno plano pe minoritetura. Thaj kade phenel voj so o plano znachija le romenge ando foro.

- Kado si jek konkretno dokumento kaj kherel k o foro musajij te kheres buchi ande romani inkludacia thaj anda romenge chachimata. Thaj thela jek maj lungo vrama dela kado effekto pe inkludacia, chib aj kultura, phenel e Selina Adamsson.

Kaj vi phenel ke voj lel kado plano karing peske phuterde vastensa aj gindoj ke dela lashe resultatura le romenge thaj kavere minoritetonge thela vrama.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".