Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani

Komuna shajas te paghel zakono

Nevo kerdo måndag 19 januari 2015 kl 15.33
Publicime måndag 19 januari 2015 kl 10.23
Komuna shajas te paghel zakono e buchiasa angla Skid-vm
Komuna shajas te paghel zakono e buchiasa angla Skid-vm

Konkurensverket las decizia te kerel jekh rodipe sar Falun komuna kerdas buchi angla skid-vm.

Vi a komunake revisorura si te dikhen perdal kadal buchia so kerde pe.


Pa jekh shon lel pe lumako khelipe ande narti, skid - vm thaj pachal pe ke shaj te aven zakonura pagle kadala buchiasa.

O stadiono Lugnet skidstadion sas opre vazdino kusa shela miljonura koroni so sas line khater skatoske love.

P4 Dalarna phenen ke e firma so inkrela o lumako khelipe kerdas kade buchi te na perel ande khinimasko zakono - lagen om offentlig upphandling.

E firma khindas e vazdimaske buchia khatar kodi konsult firma so vazdas opre o stadiono thaj e pochinimata pochindas e komuna thaj kodol kosti si opral 2 miljonura koroni.

Andrea Sundstrand si docentka ande offentlig upphandling ando Stockholms universitet.

Voj phenel ke kadi buchi sas kade kerdi te na nakhel pe ando zakono thaj kado naj legalno.

E firma bushiol Skid - VM i Falun 2015, kado sas vazdino 2011 te nakhavel pe kadal khelimata.

Dopash anda firma si inkerdi khatar Falun komuna thaj dopash khatar Svenska Skidförbundet.

De jekh bersh kodolestar khindas pe vi e firma Svenska Skidspelen andre thaj kodo kerdas ke e firma naj aba inkerdi zorasa khatar e komuna thaj kodo kerel ke musaj te inkrel pe e firma pala zakono pa Lagen om offentlig upphandling.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".