Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Nevi könyva phaj rom andi Europa "Roma in Europa"

Publicerat tisdag 20 januari 2015 kl 12.52
Dr Ioana Bunescu /Roma in Europe
(5:25 min)
Ioana Bunescu
Ioana Bunescu

"Roma in Europe”, nevi könjva daspe avri 2014 bers phaj rom  andi Europa. Doctoranto thaj roditori Ioana Bunescu anda Malmö upprutni iskola, phenl khe lako intresso phej rom laspe aba khana phirlas andi iskola thaj sas lake romane amala.

Doctoranto Ioana Bonescu Barilaso pre andi romania thaj de savora aba sasla romane klaske kamaratura thaj vi romane amala. Aba atunchi voj las sama khe kadi gruppa si avri shuti diferenciake pharimaske thaj diskriminacijake. Voj manglas the zanel sostar thaj soj kodo so kerel khe kadala manusha i romani gruppa si avri shute kadale bare pharimake. Peska studiasa phaj romengi situacia laspe andi Transulvaniako gav 1998 bers.

Ande kado gav trajinas diferentni etnicka gruppi. Romaniake mausha, manushas avla sas neve resle thaj rom. Kadoke phej rodimaski rig sas intresantno the shaj dikhelpe sar le diferentni gruppi trajin thaj si jekhavrisa. De anda Doctoraco Bunescu intresso sas i romani gruppa specifikno platco ando gav.

Khana i doctor Bunescu laspe peska studiasa sas terni zuvji thaj sasla korkori jekh steriotypo phaj rom. Lako patreto sas khe sako rom si chorimasa thaj si bi edjukacijimasko, De laki studia sikadas khe le rom si diferentni gruppi thaj si vi diferentni ande savala them von trajin. Si vi chore vi barvale thaj si vi but zene khaj si len jekh uchi edjukacija. So si jekhutno phe sa le rom si i diskriminacija savi solpe avre prelende ande sako them khatar o majoriteto.

Jekh aver variso so thela pesko avri rodipe reslas angle si khe le romengi dos kamel the kerelpe khe sostar chi zanen von angle the resen ade phengo trajo. De la Doctor Bunescu rodipe sikavel khe kado naj letko thaj fajma chi posibilitacija naj the shaj jutij i romani gruppa phe jekh angle gelimo. Sostar lengo pharipe si struktualno thaj kado site paruvelpe ando systemo. Le regeringura site keren variso thaj kadoke site kerelpe thaj the paruvelpe phe jekh Europalno levelo.

Doctor Bunescu phenel khe akanak trajinas andi Eorupa tha vi le romengi situacia site paruvelpe phe la Europako levelo thaj na numa phej lilla the iskirijpe de i polisija site lepe phaj diskriminacija phe savi le rom si avri shutte.  Pala pesko rodipe thaj könjvako avri dinipe Roma in Europé hatjarelpe i Doctor Bunescu pharimasa sostar voj si daraki so le romenca perelpe andi Europa thaj khaj le racistiska populisticka gruppi kerdjon so maj bare andi Europa sar vi ando Svedo.

 

 

 

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".