Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Nationalno

Nevi romani exibicia ande Uddevalla, "Vi är dom"

Publicime onsdag 21 januari 2015 kl 13.47
"Chi zal ferik te les patreto"
(4:42 min)
 "Det är vi som är dem". Bild: Maja Kristin Nylander.
"Det är vi som är dem". "Ame sam von" Foto: Maja Kristin Nylander.

O paluno kurko dam tume o artiklo pa e fotografiaki exebcia vaj galleria kaj akanak si inkherdi ande Uddevalla ando Bohusläns Muséum.

Le fotografiji ande exebicia le anavesa "Det är vi som är dom" vaj romanes "Ame sam von", si line katar e pinzardi fotografka e Maja Kristin Nylander, kaj vi sas aktualno peske patretonsa ande popularno exebicia "Vi är romer" inkherdo katar o Forum för levande historia.

Kado razo shutas avri e Maja Kristin Nylander peski buchi ando Bohusläns Muséum ande Uddevalla, thaj kade phenel voj sar laki buchi le romensa laspe, amenge ando Radio Romano.

- Me maladzilem buthe romensa kaj kathe mangen love pe vulici, thaj shundem but pa lengi situacia. Thaj atunchi kamos me te tradav jekzeni ande Romunia te dikhav sarij. Kade lem me kontakto kusa jek organizacija kaj bushol "Människa, Medmänniska", kaj inkrej zutipe kusa fokuso shutino pe chorora rom ande romunia. Thaj me simas ande trin gava thaj kheros fotografiji ande sydvästra Romunia, phenel e Maja Kristin Nylander.

E Nylander kherdas panch viziti ande Romunia ando sydvästra kotor ande le gava Gruia, Recea thaj Jiana, kaj si uni anda kodol thana kaje rom maj phares trajin. O resultato ando Bohusläns Muséum si akanak jek exebicia kusa 26 patretura, kaj sikhaven le romen thaj lengo djesutno trajo ande Romunia.

Ferik ke e Maja Kristin Nylander, phenel ke chi zal ferik te trades ando strino them thaj te les partretura pe manush kaj trajin kothe. Voj phenel ke anglunes site kapis jek kontakto kusa e rom zipon kheres fotografiji pe lende.

- Kodo so si importatno mange si khetanes kusa e rom te dikhes pe patretura, tena avel ferik kade ke me avav lav patretura aj tradav khere. Chi sim romnji thaj chi zanav e chib thaj ande kado shaj avel univar jek problematika. Ferik ke me pachav ke o manush dur birij te zal kana kherdzos pajtashi varekasa. Naj ke ferik avilem anda kaver them la kamerasa, ta anglunes vorbisardem le manushensa phenel e Maja Kristin Nylander.

Kaj majdur phenel ke voj acharel ke la sar fotografka si jek responsibilita karing manush kaj nakhen pharipe. Voj phenel ke la si o makto o te sikhavel manushengi situacia thaj te phagel diskriminacia thaj kado kherel ke voj kamel te del le romen ande sydvästra Romunia zutipe.

Le patretura kaj voj las pe rom si vi avri dini sar jek kenvja ando Svedo, thaj le love la kenvjake zan volentarnie le romenge ande Romunia sar zutipe.

- Le kenvji akanak bikindzon, thaj o njirishigo vaj le love zan ande kodol gava ande Romunia le romenge. Thaj kadalesa kamav vi te zutij le ekonomicnie, te zutij thaj te bodulij organizaciji kothe kaj zutij le romen, phenel e Maja Kristin Nylander.

E exebicia shaj dikhel o manush ando Bohusläns Muséum ande Uddevalla mashkar o 10 januari zi kaj o 22 mars kado bersh. Thaj kadalesa kamel e Kristin Nylander te vazdel zanglipe pa rom, lengi situacia thaj ke von si manush kaj trobuj le zutipe thaj na ferik mangitora, phenel voj amenge ando Radio Romano.

- Muri nadzea aj so me kamab si ke kado choripe thaj explotacia kaj e rom nakhen te acharen le manush ke trobuj te hal ame bajo pa kado savore. Thaj te dikhen le manush ke pe kadal patretura si manush, individura thaj te dikhen kadale individon. Tena avel kade ke manush acharen ke kado kerdzol pe vulici vaj ande lengo them, ferik ke savore te acharen jek responsibilita jako manush karing le rom, phenel e Maja Kristin Nylander, aktualno fotografka pala e exibicia "Vi är dom" thaj "Vi är romer".

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".