Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Läkare i världen len love te zhutin EU-migranton

Publicime onsdag 21 januari 2015 kl 15.34
"Kamas te zhutisaras e romane migranton"
(4:06 min)
Läkare i världen line love ando shvedo pe romengo sastipe Foto: Henrik Montgomery /TT
Läkare i världen line love ando shvedo pe romengo sastipe Foto: Henrik Montgomery /TT

Myndigheten för ungdoms och civilsamhällesfrågor 1 350 000 koroni pe sastimaske projekti khaj bolden pe karing romengo sastipe.

5 organizatci ulade pe pa intrego shvedo pe kadal love.

Jekh organizatcia so las kadal love sas Läkare i Världen a projektasa khaj bushiol "räck ut en hand"
Andi kadi projekta zhutija pe e romane eu-migranton so trajin krujal o Stockholm.

Johannes Mosskin si generalno sekretari ande organizatcia Läkare i Världen.

Vov phenel ke von adjes aba den doktoritsko zhutipe pe jiva ande pengi praktika khaj but romane eu-mirgantura aven thaj den len vi zhutipe medicinasa.

Johannes Mosskin phenel ke von chi kamen feri te beshen pe pengi praktika thaj te djukaren pe e romane eu-migrantura. Von kerna vi buchi te roden opre e romen thaj te den len informatcia thaj te den e manushen zhutipe zhi pun von nasvajven zurales thaj te sitcharen len lenge chachimata kana von si ando them.


Johannes Mosskin phenel ke aba adjes dikhen pe von bute romenca so si EU - medborgare thaj von line sama ke bute romen si jekh chori mujeski hygiena thaj si len chore dand.

Von kamen te zhutin e manushen thaj te den len zhutipe te na lel len e dandenge dukha thaj kodo shaj te keren kana den informatcia pa kado.

Johannes Mosskin phenel ke kadi projekta lela pe 1 mars kado bersh thaj agorija pe ando februari po kaver bersh.
Ande kadi projekta avla vi Crossroads anda Stadsmissionen hamime thaj lende birija e organizatcia Läkare i världen te den informatcia thaj kote shaja von te maladjion bute eu-migrantonca.

Vov phenel vi kodo ke von pirna vi kote khaj e rom trajin ke von acharen ke trobuj te maladjion e bute manushenca so vi daran te mangen butivar zhutipe ke len naj insuransoske kartci.

Johannes Mosskin phenel ke avla maj but informatcia thaj buchi e romenca so si eu-migrantura ke trobuj te del pe infromatcia thaj djanglipe pa manushengo stato, higiena, tobako thaj vi alkoholo.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".