Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Nationalno

Majbut zene rhoden zutipe po gamblerstvo

Publicime torsdag 22 januari 2015 kl 13.58
Internetoske kasinora maj popularni
(5:29 min)
Foto: Julie Jacobsen/TT
Foto: Julie Jacobsen/TT

25-procenti majbut zene line kontatko kusa e supportoski linja vaj stödlinjen po spelberoende vaj addicia po gamblerstvo thela paluno bersh.

Thaj le internetoske kasinora mezin o faktoro kaj kherel ke so maj but zene ashen ande gejmongi addicia, phenel e supportoski linja pe gejmongi addicia.

O Håkan Wall si sherutno ande projekta thaj psykologo ande nationalno supportoski linja po gamblerstvo, thaj phenel ke von dhikle jek vazdipe ande le kontaktura lende thela o 2014-bersh te si ke comperulisa kusa o 2013-bersh, vi pa telefono thaj vi chatt.

- So ame lam sama si ke manush line maj bare problemura ande addicia thaj maj bare konsekvensura ande pesko trajo kadalestar. Thaj thele khelen vi so maj but love, phenel o Håkan Wall si sherutno ande projekta thaj psykologo ande nationalno supportoski linja po gamblerstvo, vaj stödlinjen för spelberoende ando Svedo.

O internet kherel e gejmura vaj o gambling maj avilibilno, phenel o Håkan Wall. Vov phenel ke le internetoske kasinora, kaj si avilibilni 24-chasura andek djes kheren ke e addicia vazdelpe.

E Kim Grahn kherel buchi ando Spelberoendes Riksförbund, thaj voj phenel ke ande organizacija line sama ke o vazdipe kana avel kaj addicia po gamblerstvo si maj but mashkar terne manush.

- Vi angla kodo lam sama o problemo kusa terne manush kaj si le addicia po gamblerstvo. Ferik ke akanak acharav ke lam sama jek vazdipe mashkar terne manush, jek maj baro procento terne manush. Thaj akanak kadalesa len le terne manush bare konskvensura sigo, varekana lelas maj lungo vrama zipon o manush khidelas pe peste kasave bare undzilimata ke rhodenas zutipe, adjes kado progresso shaj zal tela jek dopash bersh zi kaj jek bersh, phenel e Kim Grahn anda Spelberoendes Riksförbund ando P3 Nyheter.

O Lasio Jakowicz anda Stockholmo, de but bersh kheldas pe but gejmura ando kasino kaj si ando foro. Thaj vi vov phenel ke le kasinonge gejmura po internet si jek maj bari dar manushenge adjes, anda kode ke reklami si pe kadal gejmonge sajtura akarkaj, thaj ke den diferetni offerti pe gejmura.

Kade vazdas pe e addicia mashkar terne manush pe kasinonge gejmura ke naj navet ande intregi Svedoske forura than ande supportoske linji le manushenge kaj si le addicia, phenel e Kim Grahn anda Spelberoendes Riksförbund, ando P3 Nyheter.

Vi o rom o Lasio, phenel ke las sama ke so majbut zene vi mashkar le rom kaj khelenaspe ashadzile te phiren ando kasino, ferik ke line te khelenpe kheral pa e internetoske sajtura. Thaj ke kado kerdzilas problemo buthe zenenge.

E Kim Grahn, phenel ke voj acharel ke le love kaj e gejomonge firmi vaj kasinora andre cirden trobujas te zan majbut o te zutin manushen kaj si le addicia kusa gamblerstvo.

- O them len andre love, ferik ke si sunume te pochinen avri love kodolenge kaj chaches trobuj le, manush kaj si le addci, lenge pashe vaj pe rhodimata te preventulin gamblerstvo. Kado shaj kherdov buthesa majbut, phenel e Kim Grahn anda Spelberoendes Riksförbund.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".