Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Dialogosko khedipe pa antiziganismo

Publicime måndag 26 januari 2015 kl 13.49
Dialogo pa antiziganismo
(4:05 min)

E rom vorbinas pa penge experienci thaj sar von kamen o antiziganismo te perel tele ando Shvedo.

Kado khedipe si jekh dialogo te shunas e romendar sar von nakhen antiziganismo thaj so shaj te kerel pe, phenel e sherutni sekretarka anda komisia karing antiziganismo e Heidi Pikkarainen.

Voj phenel vi kodo ke von naj musaj te sikaven ande pengi buchi vaj si antiziganismo ando them ke kodo si gata, djanel pe ke si kado.

Von si te sikaven sar e manush acharen kado thaj sar shaj te malavel pe kado tele.

Pe kado dialogo sas karing 30 rom akharde, kadal rom sas akharde pala djanglipe romenca organizatcienca thaj pasha kodo dikhelas pe pala bersh geografia thaj te aven vi rom thaj vi romnia kado naj o angluno dialogosko khedipe feri kasave dialogoske khedimata sas aba ande kaver forura, phenel e Heidi Pikkarainen.

Kado dialogo sas inkerdo jekh intrego djes thaj kote sas but diferentne diskusi.


Glen Hedblom anda Resandefolket phenel ke kado khedipe sas lashio ke sas but vorbipe thaj ke achardas ke e rom si inkerde khetanes akanak khaj shaj te malaven tele o antiziganismo.

Pe kado khedipe sas but experiensi ulade mashkar sa e rom, thaj but rom pindjarnas pe ande kadal experienci.

Kodol experiensi si zurale, vazne thaj lashie numa vi phare te shunel pe, phenel e Elinor Frankemo khaj beshel ande referensgrupa ande kadi komisia.

Elinor Frankemo phenel vi kodo ke but anda e rom so sas po khedipe dikhenas kado khedipe sar jekh dialogo khaj pachal pe ke shaja te avel jekh parujipe ando Shvedo kusa o Antiziganismo.

Diana Nyman si jekh delegato ande buchiaki grupa ande komisia karing antiziganismo, voj phenel ke si adjes konkretne exemplura pe kado thaj dichiol maj but pe romnia.

Diana Nyman phenel ke mishto nakhlas kado khedipe kusa lashie experienci thaj histori.

Pasha kodo avilas vi jekh propozalo te kerdjiol pe jekh nevi instansia ando Shvedo pe romengo zhutipe.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".