Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Centerpartiet inkrel pesko kongreso

Publicime fredag 30 januari 2015 kl 10.35
Annie Lööf. Foto: Pontus Lundahl/TT.
Annie Lööf. Foto: Pontus Lundahl/TT.

Centerpartiet inkrel peske komunake djesa - a partiako kongresso so djal adjes, savatone thaj kurke thaj kadalesa presentulij ci e partia pengi nevi integratciaki politika.

Akanak kamel e partia te keral 4 parujimata ande flyktingmottagandet - kana lel pe e azylanton ando them te birij pe te del pe e komunon maj but zhutipe.

E komuni si te len jekh ekonomiaki kompenzatcia pe kosti so si pe skola, socialo thaj kaver buchia so si ande azylantonge buchia.

Adjesutno systemo kusa e kostnadsersättning si pharo thaj trobuj te keradjiol varisar.

E partia mangel Migrationsverket te kerel buchi maj sigo e komunenca thaj te avel jekh trajimaski garantcia te na ashion e manush ande azylantonge khera.

Centerpartiet kamel vi kodo te vazdel pe opre maj but trajimaske khera ande komuni so len bute azylanton phende te malavel pe tele e kriza pe kherengo marketi.

E partia kamel vi te avel jekh shajipe kodolenge so mangen azylo te birin te keren buchi thaj te kerdjion arbetskraftsinvandrare - buchiake imigrantura thaj te na aven ande azylantongi processa.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".