Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Nationalno

DO "-But so ame kheras shaj kheras maj feder"

Publicime fredag 30 januari 2015 kl 11.44
DO "but shaj kheras maj feder"
(5:20 min)
Diskrimineringsombudsmannen Agneta Broberg. Foto: SR Sameradion / Thomas Sarri
Diskrimineringsombudsmannen Agneta Broberg. Foto: SR Sameradion / Thomas Sarri

Nakhlo jekh vrama de khatar o registro pa rom so sas vasdino khatar e Skånepolitcia. Jekh myndighet so las but butchi tala kudo vrama sas o DO disikrimineringsombudsmannen.

Numa sar si lengi situatcia adjes pa romane opredinimata pa diskriminatcia. Agneta Broberg so adjes si Diskrimineringsombudsman phenel amenge majbut pe kado.

Vorta akhana marshol sar mersholas maj anglal angla o registro aj si kharing e 40 opre dinimata so si pa rom tala jekh bersh aj kham shaj zas angle kusa 3 anda lende so ame vasdas andi jekh kris.

E Agneta Broberg vi phenel ke o DO shaj kheren butchi maj feder pe but riga, kado si variso so len mindig si ando gindo sar te aven maj lashe. O anglo gindo lengo si sar te kheren jekh maj buflo butchi te avel lenge jekh maj baro dikhipe pa diskiminatcia.

Jekh khotor si pe sar te kheras butchi maj feder pe opre dinimata te shaj avel jekh paruimos pa diskriminatcia. Ame vi kheras butchi pe kudo te na avel diskriminatcia so si pe kudo te arisas pe e strukturi so si adjes pe diskriminatcia.

Aj kado butchi zal averi pe kudo te das infomatcia pe kado e manushenge so kheren butchi pe tana kaj kado shaj kherdjolpe aj silen jekh makto te shaj kheren desitcie te avel paruimos.

E Agneta Broberg majdur phenel sar kado butchi si kherdo maj konkretno te shaj avel jekh paruimata mashkar kadala manushen vaj myndigheter.

Amen si ame so ame akharas chachimasko basovano edjucatsia pe lokalno levelo. Kaj ame andi jekh projekto andi jekh komuna maladjilam vi e romentza aj vi e manushentza so kheren butchi andi komuna te das le edjucatsia andi jekh khavreske butchia aj situatcie.

Aj pala kado vasdam jekh tan vaj arena kaj kadala duj gruppi maladjile aj vasde jekh diskutcia. Jekh anda kadla komuni si Helsingborg ando teleutno Shvedo.

E Agneta Broberg vi phenel ke but parudjilo tala le ultimo desh bersh pe diskriminatcia aj vi andi lengi butchi so len silen pe o DO.

Voj nas pe tan tala sa kadala desh bersh numa phenel ke sila zanglipe pa sar parudjilo e butchi numa phenel ke e paruimos si baro. Anda gor khana lape o Etno DO sar busholas atunchi o angluno gindo sas te anen andre o zanglimos aj te vasden jekh patchaimos e romane grupontza.

Pe kudo vrama nas kadja but opredinimata so avilo lenge andre aj e butchi sas majbut pe kudo te shaj avel zanglo ando civilno samhälle ke von si aj pe sar von kheren butchi aj pe sar von shja zutin.

Pe agor phenel e Agneta Broberg anda DO ke lengo butchi te shaj kheren maj feder andi kudola opredinimata so aven lende andre voj gindil ke kudo pares si te avel lenge ke e manush musaj te anen but anda e evidencia korkoro khana kheren jekh opre dinimata lende te shaj avel jekh kris vasdino.

Numa voj phenel ke voj gindil ke von si dosta profesialno te shaj zanen so shaj zan angle te avel jekh case so von shaj avsden andi krisi. Voj vi phenel sar von dikhen kado problemo sar jekh individo korkoro shaj lel pesko chachimos aj anda kado von trade jekh skirimata pe kado kaj o regeringo so von akhana musaj te dikhen perdal.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".