Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Nationalno

Martin Valfridsson avla nationalno koordinatoro pe mangitora

Publicime fredag 30 januari 2015 kl 12.44
"Site zuraras lenge chachimata"
(6:31 min)
Åsa Regner presentulisardas o Martin Valfridssom sar o nevo koordinatoro pe mangitorenge pushimata. Foto: Rikard Jansson Radio Romano
1 av 2
Åsa Regnér presentulisardas o Martin Valfridsson sar o nevo koordinatoro pe mangitorenge pushimata. Foto: Rikard Jansson Radio Romano
O Martin Valfridsson. Foto: TT
2 av 2
O Martin Valfridsson. Foto: TT

Sar kaj shundan arachi ande amaro programo las o o regeringo e decisija te shon jek nationalno samordnare vaj koordinatoro pe bucha kusa EU vaj EES-citizentura kaj temporarnie aven ando Svedo thaj mangen love.

Thaj ministerka pe shavora, phure thaj po jekhipe vaj e barn äldre och jämställdhetsminister e Åsa Regnér presentulisardas le neve koordinatoros o Martin Valfridsson jek jek press-konferanso arachi ando Rosenbad.

O Valfridsson si phurano jurista thaj vi kherlas buchi sar rådman thaj rättsråd vaj advisori ande Svedisko representacia ando EU, thaj vi angla kodo sas stats-sekretari la phurana justieministerkake e Beatrice Ask.

Thaj kade phenlas vov amenge so zukarel katar peski nevi buchi ando Radio Romano.

- Kado si anglunes majbut te avel ame but kontakto kusa svediska kommuni, departementura, idealni organizaciji thaj landsting, te dikhas sar majfeder birisaras te zutisaras le Eu-migranton kaj naj le sar te inkren trajo thaj aven thaj mangen love. Ferik ke kado si vi te kapis jek lashi corperacia vaj buchi kusa organizaciji ande sar exemplo Romunia, te shaj len svediska organizaciji maj lashi jekhutni buchi kusa le organizaciji po than, phenel o Martin Valfridsson.

Ande buchi vaj o uppdrag kaj las o Valfridsson si jek kotor anda kado te den supporto kodola bucha kaj si inkherdi katar departementura, kommuni thaj organizaciji kaj zutin le Eu-migranton kaj temporarnie inkherdzon ando Svedo thaj mangen love.

O Martin Valfridsson si o angluno samordnare vaj koordinatoro ando Svedo kana avel kaj kadal bucha, thaj phenel amenge ke kaj si jek variacia kana avel kaj le regulura mashkar le diferetni kommuni kana avel kaj e chachimata kaj si manushes sar EU-citizento, shaj avel problematicnie kado le migrantonge kaj si po than ando Svedo.

- Pala o svedisko zakono sar exemplo o socialtjänstlagen si jek minimalno levelo kana avel kaj o supporte pe EU-migrantura, ferik ke le kommuni birin te kamen te vazden kado levelo. Sar exemplo naj e manushes prava kaj edukacia kana aves kathe temporarnie, ferik ke kamen birin e kommuni te den edukacia. Anda kode naj musaj o zakono te avel chorro ferik ke kaveres si inkerdo ande sako komuna. So me site kherav si te dikhav sar majfeder birisaras te zutisaras kadale manushen kusa o zakono kaj si ame ando them, phenel o Valfridsson.

O Valfridsson kaj lesko nationalno titulo avla "nationell samordnare för arbetet med utsatta EES-medborgare som vistas tillfälligt i Sverige". Vaj natinalno koordinatoro pe bucha kusa EU-migrantura kaj temporarnie inkherdzon ando Svedo, feri ke o majoriteto anda kadal manush kaj aven te mangen ando Svedo si rom. Ferik ke sode zanel o Martin Valfridsson pa e romane pushimata ando Svedo thaj pe Europake levelo?

- Majbut kam zanav sar o normalno citizento, ferik ke chi sim experto pe kado. Anda kode zukarav jek lashi buchi kusa e romane organizaciji ando Svedo. Avla man buchi kusa o Tomas Hammarberg kaj si o sherutno ande kommisia po antiziganismo, anda kode me khervo buchi bute aktoronsa ande kadal pushimata so maj sigo te dikhas jek resultatto, phenel o Valfridsson.

Po pushipe soski diferencia kamlov ov te dikhel ande Eu-migrantongi situacia pa sar exemplo panch bersh?, phenel o Valfridsson ke inke chi zanel thaj ke naj les e atvetura pe kado inke. Ferik ke e vramasa zukarel te lel jek maj baro zanglipe pa o intrego patreto sar kaj mezij. Thaj phenel ke so vov proposulija naj o te shon jek limita le manushenge o te aven ando Svedo.

- Amen si grundoske pricipura kaj chi kamas te mishkisaras. E phuterde droma ando EU, si o grundo pe jek lashi corperacia ando EU. Me chi proposulija chi soske pharujimata kothe. Me vi chi pachav ando letko atveto sar te kheres krimininalizacija po mangipe, sa so kheras musajij te kheras kusa respekto pe manushikane chachimata thaj sital ame jek shavorengo perskeptivo pe intregi pushimata. Chi avla letko te des po agor ande kado sa, ferik ke dav muri vorba ke zumavov, phenel o regeringosko koordinatori pe bucha kana avel kaj EES-citizentura ando EU.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".