Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Naj dosta bolniciake phenja ando them

Publicime måndag 2 februari 2015 kl 11.37
Trobun 2000 bolniciake phenja
(4:44 min)
Foto: Bertil Ericson/TT
Foto: Bertil Ericson/TT

Trobun karing 2000 bolnicake phenja - sjuksköterskor ande shvedicka bolnici, kado sikavel jekh rodipe so Svenska Dagbladet kerdas.

Ande kado rodipe sikadjilas vi kodo, ke but manush chi birin te len zhutipe thaj ke 900 vårdplatser zhutimaske thana sas tele phandado ke nas bolnicake pheja.

E buchiaki unia -fackorganisationen Vårdförbundet phenel ke e chore pochinimata - löner keren kado thaj o sjukvårdsminister Gabriel Wikström phenel khaj SvD ke musaj te dikhel pe lengi buchiaki situatcia.

Pasha kodo del e zhutimaske personalo varningo ke lengo buchi kerdjiol maj phari thaj o ke kerdjiol problemo ande patsientongo sekurita, kado sikavel jekh anketa so SKL - Sveriges Kommuner och Landsting mukhle, raportulij SVT.

Kado phenel vi e Romni Meribana khaj kerel buchi sar undersjöterska ande bolnica ande mashkarutno Shvedo, maj but buchi perel pe e kaver so keren ande bolnici kana naj dosta personalo.

Ande kadi anketa so SKL muklas sikadjiol pe kodo ke ande 19 anda 21 landsting si maj phari e buchi thaj ke naj dosta personalo pe thana thaj ke e buchiara keren phari buchi tela press.

E situatcia si kasavi ke naj e bucharen lashi shoneski pochin thaj ke chi dikhel pe kade mishto pe kadal manush ande bolnici, pasha kdo mukhen but medecinake phenja penge buchia thaj djan ande kaver thema vaj ande kaver forura,phenel e Meribana so kerel buchi ande Bolnica.

Ando dikhipe so SvD kerdas skrij pe ke but buchiara dikhen e ekonomia sar bari problematika, ke shonesko pochin naj uchi thaj pasha kodo si bari diferencia mashkar e bolnici, forura thaj pasha kodo thema.

Pasha kodo traden but medecinake phenja ando Norvego.

Meribana phenel ke voj djanel unien so mukhle o Shvedo thaj trade ando Norvego te keren buchi, ke bari ekonomiaki diferencia si mashkar kadal duj thema.

Resultato ke naj dosta buchiara ande bolnici kerel kodo ke but bolnici djan andre ande jekh stabläge, kodo znacij ke feri e maj akutne buchia kerel pe thaj pe but thana bishavel pe e patsienton ande kaver bolnici.

Pasha kodo chi funktsionulin e bolnici normalno thaj kado kerel ke kerdjiol krisaki situatcia kana e chi birij te del pe zhutipe.

Trobun karing 2 000 medecinake phenja ande 68 akutne bolnici ande intrego shvedo thaj sar mezij pe chi aven but manush ande kadi buchi ke naj lashi e ekonomia.

E sherutni ande Vårdförbundet e Sineva Riberito phenlas khaj SvD ke musaj te vazdel pe opre e love thaj ke e politikura musaj te len pengo responsebilita.

Thaj kodo phenel vo e Meribana khaj kerel buchi ande jekh bolnica ando mashkarutno Shvedo.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".