Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Nationalno

Civil Right Defenders den opre le themes anda romani registra

Publicime måndag 2 februari 2015 kl 11.51
"Shaj avla phares te sikaves evidencia"
(5:24 min)
Foto: Tomas Oneborg/TT.
Foto: Tomas Oneborg/TT.

E organizacija Civil Right Defenders akanak site den andre pesko stämning vaj ke opre den le Svediskone themes vaj o staten pala e romani registra kaj sas kaj e Skåne policia.

Von kadalesa kamen te sikaven ke e registra sas chorre kherdi thaj shutnini pala etniciteto.

Ame ando Radio Romano maladzilam kusa o John Stauffer kaj so si les e responsibilira pe kado stämning vaj ke opre dine le themes, thaj phenel amenge majbut sar von dine kaj kado atveto.

- Aba dosta dur avilam ande amari buchi. Thaj akanak sam ande agorutni fasa. Skirisardam jek applikacia de das opre le themes vaj jek stämningsansökan thaj o plano si te des kado andre po agor le shonesko, phenel o John Stauffer anda Civil Right Defenders.

Kaj majdur phenel ke lengo gindo sostar opre den le themes, si ke kamen te vazden o etnicno kotor anda e registracia. Te birin te sikaven ke le manush kaj si representovani lendar sas diskriminovani anda pesko etniciteto sar rom.

- Kodo so si importanto kusa kadi applikacia kaj das opre vaj e stämningsansökan so ame shas o fokuso ande kadi processa si te sikhavas o etnicno aspekto anda e Skåne-policiaki registra. Kado si jek pushipe kaj nas vazdino angla kado. But departementura phende ke si seriozni dosha ande registra, ferik ke nas pendo kele manush kaj si ande regsitra si anda pesko romano etniciteto. Thaj kado pushipe le manushenge kaj si ande registra si zurales importatno, phenel o John Stauffer.

Ferik ke che phares vaj letkoj te sikhaves evidenciasa ke kadal manush si ande registra vaj ke sas diskriminovani vorta pala pesko etniciteto? O John Stauffer phenel amenge majdur.

- Kodol manush kaj represtulisaras le ande kado fallo, ame chi dikhas chi sosko atveto sostar von te aven ande kadi registra. Pala kadal perspektivi ke naj sostar te aven andre, ke naj kriminalitetura vaj pinzarimata pe kriminalitetura, atunchi ashel e etnicno aspekta sostar kadal manush majdur si ande regsitra, phenel o John Stauffer, kaj po pushipe chi phares kado shaj avel te sikahves sar evidencia, phenel o Stauffer ke shaj avel problematicnie te sikhaves kado. Ferik ke trobuj o Svedisko them te sikhavel sostar kadal manush si ande registra, phenel vov majdur.

Si jek rizika ke vi e krisi chi lena kado fallo karing peste sar trobuj, ke ferik konstatulina ke si illegalni kotora anda registra ferik ke chi dikhena po etniciteto sar kaj trobuj, phenel o John Stauffer majdur.

E organizacija Civil Rights Defenders kaj si jek indenpentno organizacija kusa e buchi te defendulin thaj te den anglal anda manushikane chachimata, phenel ke ande kado fallo trobuj pala e Europaki Convenvia thaj pala svedisko zakono te sikhaven kadi diskriminacia ande krisi.

- Pala kadal zakonura musajij te shav kravura pe regsitra. Kado vi vi ke te sas kadal manush diskriminovani anda etniciteto si kado jek maj serozno bajo sar kaj phende angla kado. Thaj kado del motivacia o te manges maj bari ekonomicno kompenzacija sar kodol 5 ezera koroni kaj line e manush anda registra, phenel o John Stauffer.

Kaj vi phenel ke naj musaj ke positivno decisija ande krisi te zutij kavere manushen kusa sa kasave problemura po etniciteto, ferik ke shaj kherla unjenge maj letko te zan angle kusa kasave bucha.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".