Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Nationalno

Kontroversialno marimasko sporto njirij publika ando Svedo

Publicime tisdag 3 februari 2015 kl 12.47
"O sporto si securno?"
(5:07 min)
Foto: Jessica Gow/TT.
Foto: Jessica Gow/TT.

O kontroversialno marimasko sporto MMA vaj Mixed Martial Arts kerdzol so maj popularno ando Svedo. O paluno kurko sas inkherdo e Europaki maj bari gala ando Stockholmo.

O Johan Halldin si sherutno, vaj ordförande ando svedisko MMA-förbundet, thaj phenel ke le maj bare evenemangura vaj galor rhoden akanak drom ando Svedo ke o sporto las kasavi bari publika kadal palune bersh.

- O brottning vaj wrestlingo sas pricipialnie mulo ando Svedo kadi paluni vrama. Kana me simas terno thela 70-80 bersh, sas but zene kaj trenulinas wrestlingo, ferik ke kodo hasajlas. Me gindoj ke pa o MMA shaj vazdas amare kornjura. Ame de lungo vrama phirs pe boxi thaj po wrestlingo ando Svedo, phenel o Johan Halldin sherutno, vaj ordförande ando svedisko MMA-förbundet.

O Halldin sas aktivno ando sporto MMA vaj mixed martial arts, opral e 15-bersh, thaj vov phenel ke sas ke pahrujipe ande attityda le palune trin-shtar bersh ando sporto. Phenel ke le mediji maj zurales rapportulin pa o MMA sar kaver sportura.

O MMA si jek marimasko sporto vaj kampsport kaj shaj mares vi vaztensa, punresna thaj vi wrestlingo, thaj le sportofcura kaj marenpe piraven sane kishtjuvi zamias e tradionalni boxingoske kishtjuvi. Thaj le macthura si inkherde ande jek sastruni klatka vaj bur vaj sar phenen pe leste oktagon angla jek butivar bari publika.

Kusa paschi 30 000 vizitora thaj buthesa majbut zene kaj dikhenas pa televizia sas e MMA-gala kaj o UFC, Ultimate Fighting Championship, inkherdas ando Tele2 Arena ando Stockholm o paluno kurko e maj bari ande intrego Europa, thaj e dujto maj bari ande luma.

O Anders Lindblad, sportosko skiritori vaj sportkrönikör ande gazeta Svenska Dagbladet, phenel ke e vazdini interesa mashkar e manush thaj ande media si jek pharudo attitydo anda effektivno PR-buchi katar o UFC.

- Von line zutipe katar svediska politikura kaj dine anglal anda sporto dosta chudasho. Kamle te sikhaven jek lashi attityda, ke len sama pala ternjimata ande foroske kotora vaj förortar, te aven avri anda kriminaliteto thaj te kezdin kusa kampsport. O MMA kerdzilas e neva vramako graffiti, phenel o Anders Lindblad, sportosko skiritori ando SvD.

Vov vi phenel ke le manush cirden pala o MMA pala kado ke e prohibihata karing proffesionalno boxo sas thele lini ando 2007-bersh. Adjes si 90 aktivni fereningura ando Svedo thaj karing e 3 000 manush kaj trenulin diferetni formi anda MMA.

- O MMA kerdzilas jek baro trendo, site avel kado drago manushenske ke si jek muracno vaj macho sporto. Me birij te acharav kadi facinatia kadale sportoski vi tena naj mange drago. Mange naj kado sporto lasho, angla mande chi trobujas te lel than ande jek moderno civilisacia, phenel o Anders Lindblad.

Kaj phenel ke majbut e riziki pe godjake dukhajimata vaj hjärnskador si kana terne murce si sigo rekrytovani ando MMA.

Ferik ke o Johan Halldin sherutno, vaj ordförande ando svedisko MMA-förbund, phenel ke e rizika pe dukhajimata ando stato butivar si vazde sar za bare thaj ke naj kade.

- Kado si butivar jek moralicno problemo buthe manushenge, ke naj shukares te mares jekh kavres aj kade. Ferik ke te dikhesa pe marimaske sportura, si von zurales securno te comperulisa le kusa grastenge sportura vaj motoroske sportura. Anda kode ame sam jek securno sporto thaj me gindoj e e opinia pharudzilas, phenel o Johan Halldin sherutno, vaj ordförande ando svedisko MMA-förbundet.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".