Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Kana varikhon chorel chiro identiteto

Publicime tisdag 3 februari 2015 kl 12.54
"Chudisajlem kana avile pochinimata so nas mure"
(4:00 min)
So maj but manush nakhen ID-kapning Foto: Jenny Sandgren.
So maj but manush nakhen ID-kapning Foto: Jenny Sandgren.

Identites kapning - kana varikhon chorel lengo identiteto thaj khinel variso pe lengo anav kado aresel bute manushen ando them.

Karing 60 000 manush nakhle Identites kapning - kana varikhon chorel lengo identiteto thaj khinel variso pe lengo anav, kado sikavel statistika so Polisens Nationella Bedrägericentrum mukhlas khetanes kusa UC.

Manush so nakhen kado chi djanen ke varikhon chordas lengo identiteto thaj khindas kadal bajura zhi pun e pochinimata aresen lende khere pocta pochinimatonsa pe bajura so von chi kinde korkori.

Kado kerdas pe vi a romniasa Ramona Melker Taikon.

Vojchuddisajlas kana aresle late pochinimata so sas pe lako anav numa nas lake bajura.

Ramona Melker Taikon phenel ke darajlas zurales kana aresle late kadal pochinimata, voj chi kamlas te pochinel variso so nas lako.

Voj chuddisajlas ke varikhon shajas te khinel variso pe lako anav thaj ke voj nas musaj te skrij telal chi soske lila.

Numa dostaj te avel jekh adresso te kerel pe kadal bajura pe varikasko anav.

Thaj kado si jekh baro problemo phenel e Anna Bulow so si bedrägeriexpert po UC.

Ke e manush mangen te avel lokho te khinel pe sigo thaj bi problemosko po internet thaj pala kodo chi acharel pe save problemura shaj te peren.

UC - upplysningscentralen phenel sa kodo ke e manush musaj te len sama pala penge person thaj kontonumera po internet thaj te len sama pala pengi pochta.

Pala kodo musaj e manush te den opre kadal buchia sar maj sigo khaj e policia thaj te phandaven penge personalne informatci khaj e diferentne kreditove firmi.

E Ramona Melker Taikon vorbisardas pe policia thaj kodi sas laki bah, ke nas lake musaj pala kodo te pochinel korkori sa e pochinimata.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".