Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Neve chibaki editcia pe Katitzi

Publicime torsdag 5 februari 2015 kl 11.25
"Maj lokho avla te ginavel pe akanak Katitzi"
(5:40 min)
Nevi editcia pe Katitzi kevnia so Katarina Taikon skirisardas
1 av 3
Nevi editcia pe Katitzi kevnia so Katarina Taikon skirisardas
Lawen Mohtadi thaj Angelica Ström kerde buchi a neva verziasa pa Katitzi. Foto: Åsa Stöckel/Sveriges Radio
2 av 3
Lawen Mohtadi thaj Angelica Ström kerde buchi a neva verziasa pa Katitzi. Foto: Åsa Stöckel/Sveriges Radio
Katitzi kevni so Katarina Taikon skirisardas
3 av 3
Katitzi kevni so Katarina Taikon skirisardas

Ande kado shon februari aven duj neve editciji, neve verzi anda Katitzi kevni kaj e Katarina Taikon skirisardas tela e 1970-bersh.

Zina si jekh romani chejori khaj ginadas 3 kevni pa Katitzi thaj lake si drago kadal kevni so e Katarina Taikon skirisardas, feri o problemo sas ke univar chi birijas e Zina te acharel sa ke e chib sas ekcera za phari.

E kevnia si skirisardo pe jekh chib khaj vorbijas pe ande e bersh 1940-50 thaj but vorbi so si andre ande kevnia naj adjes ande e shvedicko vorbimaski chib.

Akanak ande kado shon februari mukhel pe duj neve verzi pa Katitzi, pe e duj anglune kevni so e Katarina Taikon skirisardas.

Kodol so line kadi buchi ande pesko vast si a Katarinaki shej e Angelica Ström thaj e journalistka Lawen Mohtadi.

Kana von sas ando programo P4 extra ande Shvedicko Radio phenlas e Lawen Mohtadi ke vi te kerdas pe nevi shibaki verzia trajij e Katiziako duho maj dur ande kevnia.

Voj del exemplo pe vorbi sar landsfiskial so shaj te phenel pe bypolis - gaveski policia thaj livrem pe vorba brichinari.

Thaj kodo phenel vi e Angelica Ström e Katarinaki shej, ke za vazno si e tema so si skirisardo ande kevnia thaj mila si atunchi te hasaren e chavora o senso ande kevnia kana von chi acharen uni vorbi.

Angelica Ström phenel ke von kerdi vi jekh baro parujipe ande kadal duj neve verzi.

E vorba zigenare so sas skirisardo butivar ande kevnia si tele lini.

Thaj e vorba rom si skirisardo.

Feri ke e vorba Zigenare naj zafshiem tele lini, kana e gadje vorbin pe rom ashiol e vorba zigenare thaj kana e rom vorbin mashkar pende ande kevnia skrij pe rom.

Lawen Mohtadi phenel vi kodo ke kadi kevnia si vazno ande but aspektura ke kadi kevnia sikavel sar e rom trajinas thaj so von nakhenas ando Shvedo tela e 1940bersh thaj phenel ke e manush musaj te acharen sar sas te djan maj dur e ghindonca karing e rom.

Thaj kado phenel vi o romano aktivisto o Hans Caldaras khaj ginadas andre e kevnia maj anglal pe jekh audio CD.

Kadi kevnia si vazno e romane chavorenge te djanen sar lenge phure trajinas maj anglal ando Shvedo.

Pasha kodo avla kadi kevnia vi jekh insperatcia thaj dela buten zor, phenel o Hans Caldaras ke kadi kevnia kamel te phenel te na mukhel pe o manush kana varikhon si nasul jekheske feri mindik te marel pe anda peske chachimata.

Thaj kade dikhel vi e romani chejori e Zina.

E Katitzi si zurali khaj del zor e ternimaton thaj vi la das kodo ande bute situatci.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".