Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Antiziganismo si ando Shvedo

Publicime fredag 6 februari 2015 kl 00.00
"Rom hasarde pachape ando Shvedicko systemo"
(5:34 min)
Kommission mot Antiziganism.
1 av 2
Kommission mot Antiziganism.
Thomas Hammarberg sherutno andi Kommission mot antiziganismo.
2 av 2
Thomas Hammarberg sherutno andi Kommission mot antiziganismo.

E rom nakhen rasismo thaj diskriminatcia thaj e rom chi den kado opre ke chi pachan korkori ke variso shaja te kerdjiol vaj te parudjiol pe.

Trobuj parujimata ande politika thaj trobuj te lel pe kado pushipe ando vast te birin e rom te len pale pachape ando Shvedo ke o antiziganismo kerdas ke e rom hasarde kado pachape, phenel o sherutno ande komisia o Thomas Hammarberg.

E komisia karing antiziganism las te kerel buchi ando them pala kodo ke o regeriungo las decizia 20 mars ando bersh 2014 te malavel pe tele e diskriminatcia thaj te zurarel pe e romen ando them.

E komisia si vi te sikavel khaj e diskriminatcia si thaj te vazdel opre o debato thaj te kerel pe e vorba antiziganismo pindjardo mashkar o narodo.

Kado diskriminatcia musaj te malavel pe tele, ke sar si adjes si kado aceptovano mashkar bute manushende thaj kado si jekh sako djeseski diskriminatcia - vardags rasism.

Thomas Hammarberg phenel ke o rasismo si ando them thaj kado si pe but thana, ande boltcia, restoranura, buchia thaj kado kerel kodo ke e rom line te garuven pengo romano identiteto thaj kodo naj mishto thaj kado musaj te parudjiol.

Jekh anda e maj bare problemura si kodo ke e rom hasarde pengo pachape ando systemo thaj kodo so kerel kodo si kodo ke vi kana e rom den opre diskriminatcia chi kerdjiol pe kanchi.

Thaj kodo ke kanchi chi kerdjiol pe kerel ke kado mezij legitimitno thaj kodo naj mishto, musaj te avel varisavi konsekvensia kana kerel pe diskriminatcia pe rom.

Jekh buchi so e Komisia vazdel ande pesko raporto si e policiaki registra anda Skåne.
Thomas Hammarberg phenel ke vov chi birij te acharel sar kasavi registra shajas te kerdjiol khaj si opral 4000 rom, shavora thaj mule e doshasa ke von si rom na ke von kerde variso kriminalno.

E komisia karing antiziganismo phenel ke e rom trobuj te den andre ande themeske organizatci thaj vi e foroske organizatci, vazno si te aven e rom pe uche thana.
Ke sar si adjes chi zumaven e rom te aresen pe maj uche thana ke von acharen ke von vi kade chi birin te aresen kote.

E komisia karing antiziganismo phenel kodo ke o majoriteto ando them o narodo si te pashiol khaj e rom te birin e rom te aven andre ando samhället thaj pe maj uche thana.
Chi djal kodo feri e rom te zumaven te maren po vudar thaj konik te na putrel o vudar, musaj varikhon anglunes te putrel o vudar thaj e rom te aven andre.

E komisia mangel te avel maj but djanglipe thaj maj but te sitciarel pe pa e rom ande skola ke kodo si jekh drom te malavel pe tele o antiziganismo.

Pasha kodo mangel e Komisia karing antiziganismo kodo te puterdjiol pe jekh romani institutcia so shaj te lel sama pala e romenge chachimata thaj vi te kerel buchi te hasajvel o antiziganismo.
E Samon si jekh kasavi istitutcia thaj vi khaj e zhidevura, akanak trobuj kado vi e romen, phenel o sherutno ande komisia karing antiziganismo o Thomas Hamarberg.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".