Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Nationalno

Svedisko moda succeso ande kaver thema

Publicime måndag 9 februari 2015 kl 14.37
"Svedisko exporto pe moda"
(5:33 min)
Karin Söderlind, anda House of Dagmar. Foto: Isabelle Swahn/Sveriges Radio
Karin Söderlind, anda House of Dagmar. Foto: Isabelle Swahn/Sveriges Radio

Svedisko moda majdur kherel succeso ande kaver thema, sa kadi vrama zal o bikinipe maj slabo khere ando Svedo.

O paluno kurko agorisajlas e exebicia Stockholm Fashion Week thaj e Karin Söderlind, fundametorka ande modaki-firma House of Dagmar, phenel ke e modako-kurko si zurales importantno te resen e gada ande kaver thema.

- Si jek baro intereso pe svedisko designo thaj musajij te las sama pe kado akanak. Anda kode acharas ame ke si extra importatno ke thela modako-kurko ando Svedo sar them thaj ando Stockholmo te acharas che importatnoj te anas kathe journaliston, kado chi kherel kade but, atunchi avla jek bari reklamaki kampanja kaj skirin pa Svedo, phenel e Karin Söderlind anda House of Dagmar.

Vi e Emma Ohlson, generalno sekretarka anda bransch-organisatia Association of Swedish Fashion Brands ASFB, kaj sas aktivno te arrangulij e modako-kurko. Voj phenel ke vi angla late si zurales importantno internationalno attencia te zal o svedisko bikinipe mishto ande kavera thema.

- Pe amende sas presso vi katar o England, Dania, Norvego thaj vi anda USA. Mishto sas ke kade but zene avile pe vizita ande Stockholmoski modako kurko. Von sas zurales chale kusa e gada kaj sas hamime, thaj anda e moda kaj sam pinzarde anda late. Ferik ke vi anda neve designura kaj sikhade extravagantno moda, phenel e Emma Ohlson, anda Association of Swedish Fashion Brands ASFB.

Vorta e moda kerdzilas jek so maj baro kotor anda Svedisko exporto, phenel e Emma Ohlsson. Thela o 2013-bersh vazdaspe e modako-exporto kusa paschi 7 procenti sa kadi vrama sar kana e svediska modake-firmi csinjarde pengo omsättning vaj love kusa paschi 2 procenti.

E exportoske siffri ande svediska moda si maj zurale sar ande o kaver exporto, kaj csinjilas te comperulisa e bershesa angla kodo.

E svediska moda kerdzol so maj popularno ande amare nordiska thema, ferik ke vi ando Njamco, Storbrittanien, Japan thaj USA, thaj e Emma Ohlsson anda ASFB, phenel ke e modaki-industria vazdel jek positivno patreto pa Svedo ande kaver thema.

- Svedisko moda si uches inkherdi ande kavera thema, kaj si jek baro intereso pe so ame kheras kathe. Amen si jek moda kaj kombinulij funktionaliteto kusa uchi gradura pe moda, sa kadi vrama sar kaj si shutini pala jek moderno zuvli vaj murce, ferik pe jek lashi chimin. Mange delpe ame pheras jek shusho than ande kavera thema, phenel e Emma Ohlsson anda ASFB.

Akanak lel te avel o agorutno resultato ande brancha, thaj e Svedoski maj bari modaki firma o H&M, sikhavel jek eksera maj slabo resultato sar kaj sas zukardo ando shtarto kvartalo ando 2014-bersh. Opral e dopash anda e modake-firmi kaj sikhade peske kollektiji thela e Stockholmosko modako-kurko sikhade jek hasaripe ande ekonomia ando 2013-bersh, thaj e levelura mezin sa kade ando 2014-bersh.

Jek anda atvetura pala kado si ke le modake-firmi aknak shute avri bare love anda le kollektiji thaj designura kaj si akanak ande bolti. Kado si jek problemo ande intrego brancha, thaj e Emma Ohlson anda ASFB, phenel ke o modello po businesso shaj avel prblematicno.

Khetanes kusa o Tillväxtverket proposulij akanak o ASFB jek produkciako-fondo pe mashkar e 50-100 miljonura koroni te den supporte le modake-firmen.

E Karin Söderlind anda modaki-firma House of Dagmar, gindoj ke o fondo shaj avla jek kotor anda solucia, ferik ke musajij te uschen relevantni departementura te zutin ando svedisko exporto.

- Ande baro patreto chi pachav ke acharen e possibiliti. Kade cera love site investulin, naj musaj te kheren kampanji ke si aba jek gata koncepto duvar andek bersh, phenel e E Karin Söderlind anda modaki-firma House of Dagmar.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".