Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Internationalno

Sar gindin andi lumja ke o Mahmoud Abbas si ando Shvedo?

Publicime tisdag 10 februari 2015 kl 11.39
Mahmoud Abbas ando Shavedo
(5:23 min)
Mahmoud Abbas, palestinsk president. Foto:TT/AP Photo.
Mahmoud Abbas, palestinsk president. Foto:TT/AP Photo.

Adjes si te maladjol o Palestinosko presidento Mahmoud Abbas e shveditska regeringosa. Jekh invitatcia so surjarel aj del ligimiteto pe e politika so o Abbas inkherel phenel o mellanöstern experto Björn Brenner.

O Abbas si panglo kusa o palestinosko djela shaj phenel o manush. Khana si variso positivno vaj framgång kusa o Abbas so kusa e shveditska prinjarimos anda e Palestina del les jekh legimiteto aj sikhavel ke vo kherel variso phenel o Björn Brenner ando Försvarshögskolan.

Kado si o angluno data so o Paletistinosko presidento Mahmoud Abbas avel pe visita ando Shvedo pala o prinjarimos anda Palestina o khaver bersh. E shveditska regeringo si kaj akhardales khatka aj o gindo si te shaj vasden jekh patchaimos mashkar Israel aj Palestina deneves.

So del avri e avritemeskiministerajka Margot Wallström si ke e shveditska prinjarimos anda e Palestina sas o angluno paso kharing jekh patchaimasko proceso, aj akhana sar o Abbas si ando Shvedo o regeringo si te del pesko gindo sar te zal angle e negosiatcia aj kudo si o dujto paso.

Numa te si ke o regeringo den ando gor ke e Palestina lel jekh paso maj pashe te vasden o patchaimasko proceso deneves si o risiko ke o Israel lel jekh paso parpale aj zan andi khaver direktcia phenel o mellanösternexperto Brenner.

Te shaj arisen jekh paso maj pashe kharing jekh patchaimasko proceso vile duj tema musaj te len kudo paso, kado raso gindiv ke shaj avel ke e Palestina len jekh paso maj pashe kharing Israel vaj khamena vaj na.

O problemo si ke kado kherela ke o Israel si parpale shpide aj atunchi sa jekh chi arisena maj pashe kharing jekh khavreste phenel o Brenner, so majdur vi phenel ke te si ke o Shvedo silen o gindo te aven neutralno aj te aven sar jekh zutimasko parto andi kado konflikto mashkar kadala duj tema.

O prinjarimos anda Palestina siles jekh baro symbolitchno varto aj o regeringosko invitatcia kaj o Abbas shaj del jekh gindo mashkar khaver tema ke o Shvedo la partia mashkar e duj tema.

E shveditska dikhimos naj ke ame las rik e palestinenge. O problemo si ferdi ke andi sa e lumja o gindo si vorta kadja ke o Shvedo lel jekh paso khatar o Israel. So e puchipe si sar si e gindoria vaj save intesia si. Pe kado me sas te phenav ke anglunes musaj te delpe gindo o manush sar e khaver denpe gindo pe sokeres aj kado si problematichno phenel majdur o Brenner.

Zipo akhana o planovano visita chi las efectoria pe e relatcia mashkar Shvedo aj Israel gindil o Brenner numa phenel ke inkhe si tensia ando atmosfera mashkra e duj tema.

Naj vorta kado visita. Numa sar dikhas tala le ultimo shona o prinjarimos anda Palestina das bare efecto. Musaj te dikhas sar kado zal angle. Aj te na bistras ke si tensia mashkar e duj tema inkhe phenel o Brenner majdur.

O Brenner gindil ke kon njerila pe kado visita ferdi o Abbas. Vo phenel ke lesko visita del les ligitimatcia pe lesko politichno linja internationalno aj kado shaj del les surjardo suporto mashkar peske manush so alosaren pe leste.

Aj kudo si variso so chaches trubul les, ke kado si jek presidento so siles choro suporto so avel ando Shvedo pe visita phenel o Björn Brenner so vi phenel ke ando Gazaremsan si pehndino ke vo chi naj o presidento anda Palestina numa phenen ke maj feder si o palestinosko parlamentosko vorbitoro o Aziz Duwaik.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".