Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Nationalno

EU-migrantura biknen gazeti zamias te mangen

Publicime måndag 9 februari 2015 kl 14.48
SOFIA Z - 4515
(6:21 min)
Rom biknen gazeti ando Stcokholmosko central. Foto Rikard Jansson. Radio Romano
1 av 3
Stockholmosko central. Foto Rikard Jansson. Radio Romano
Rom biknen gazeti ando Stcokholmosko central. Foto Rikard Jansson. Radio Romano
2 av 3
Stockholmosko central. Foto Rikard Jansson. Radio Romano
Rom biknen gazeti ando Stcokholmosko central. Foto Rikard Jansson. Radio Romano
3 av 3
Stockholmosko central. Foto Rikard Jansson. Radio Romano

60-bersh pala o Auschwitz phenel voj peski dramaticno historia kaj shaj ginavel o manush ande skurto kenvja vaj gazeta SOFIA Z - 4515, kaj akanak si bikindi pe 100 koroni katar romane EU-migrantura krujal intrego Stockholm.

O Sven Hovmöller vice sherutno vaj ordförande ando fereningo HEM, si jek anda le buchara pala gazeta. Thaj vov phenel ke ke gazeta del possibilita le romane EU-migranton te kheren buchi thaj tena avel lenge musaj te mangen pe vulici.

- Jek anda gindura si te khiden kadal manush majbut love sar kana mangen pe vulici. Thaj vi o gindo si tena beshen pe phuv ando lazavo, ferik te tordzon opre pe sa kodo levelo sar kaver manush. Thaj vi len kam panchvar majbut love sar kana mange, vazden peski confedencia, peske manushikane chachimata, maj cera diskriminacia. Kado si jek lashi djela pa intregi righa, phenel o Sven Hovmöller vice sherutno anda fereningo HEM.

E gazeta vaj e skurto kenvja kherel 100 koroni te kines anda kodol love zan 75 koroni le romenge kaj biknen e gazeta.

Thaj e Aishee anda Romunia kaj maladzilan lasa pe centralno stancia ando Stockholmo phenel amenge ando Radio Romano, ke si loshaki ke si la thaj laka familja e possbilita te biknen e gazeta zamias te mangen.

O trajo si pharo ande Romunia phenel e Aishee kaj si kate peske duje shavorensa, voj phenel ke navet naj le so te han ando pesko them, thaj anda kodo del le kadi buchi jek maj lashi possbilita te vazden peski situacia. Vi e Aisheeko shavo kaj sas po than ande centralno stancia peksa dejasa, phenlas amenge ke naj mishto te manges. Ke kado chi trobujas mnaushenge musaj te kheren aj leske si majfeder kaj akanak birij te biknel e gazeta aj te kherel buchi.

Sar gelem thele pa trapti ande stancia karing e tunnelbana, dikhes ande kodo passago ke zurales but rom tordzon akarkaj thaj biknen e gazeta SOFIA Z - 4515, mezij pe pe sako rogo pasha metro tordzon varesoske rom kusa e gazeta ando vas.

Thaj jek anda lende si vi e romnji e Amide, voj phenel ke majbut zaobij o manush pe gazeti sar kana manges. Ferik ke naj ferik kado faktoro kaj pharuvel lengi situacia, phenel voj. Phenel ke e manush kaj nakhel le sikhaven jek man baro respekto, naj kasave nasul pasha lende thaj chi cipin thaj diskriminulin le.

O pushipe vazdelpe kana dikhes kadale manush le gazetensa ande vas, sode kasave birin te biknen andek djes? Thaj chi si lenge kado dosta love te den peske rada? E Aishee thaj e Amide phenen ke univar biknen trin univar shtar gazeti andek djes, thaj o terno shavo anda Romunia o Vasilis kaj vi vov sas ande centralno stancia kusa gazeti phenel ke, naj lashe love te biknes e gazeta, ferik ke sajek dostaj po habe.

Kana si kichi rom krujal o Stockholmo kaj biknen e gazeta SOFIA Z - 4515, sosko effekto del kado pe kaver manush kaj si ande phare situacia thaj biknen gazeti sar exemplo "Situation Stockholm"? Del kado konkuresno effekto pe lengo bikinipe?

Jek zuvli angla centralno stancia kaj chi kamelas te vorbij amensa phenlas ke le rom za butij thaj len lengo than.

Ferik ke o Roger anda Stockholmo kaj biknel e gazeta "Situation Stockholm" de 15-bersh, si les jek kaver gindo.

- Si jek marketo savorenge, len si lenge problemura thaj me acharav kado sar kaj si man mure problemura, kado si okej angla mande. Thaj po pushipe chi kado das effekto po lengo bikinipe, phenel ke na ke chi shundas vareso kasavo, phenel o Roger kaj biknel e gazeta "Situation Stockholm".

O Sven Hovmöller anda fereningo HEM kaj kherdas buchi kadala gazetasa phenel ke e buchi zurales mishto zal thaj ke angluno kurko sas bikinde ezera exemplarura, thaj akanak musajij lenge te mangen inke ezera kopiji te aven dosta le romenge kaj kamen te biknen le.

- De 10 djes lam 800 gazeti kaj agorisajle, lam inke 2 200 kotora kaj tehara agorina pe. Thaj akanak kheren inke 10 000 gazeti kaj muri nadzea si ke avna parashtune, phenel o Sven Hovmöller vice sherutno anda fereningo HEM.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".