Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
nationalno

So maj but shavora kaj si flyktingar hasajven

Publicime fredag 13 februari 2015 kl 13.20
Alon te nashentar
(4:57 min)
В Швеции исчезают сотни несовершеннолетних беженцев
Foto: Drago Prvulovic och Fredrik Sandberg/TT

O video pa le duj flykting shavora kaj si tele perade ando Malmö centralstation vasdas but reaktciji. Akana konik chi zanen kaj le duj shavora hasajle.

Sako bersh hasajven thaj nashentar shella flykting shavora - thaj naj reaktciji. E migratsia pinjaravelpe ke chi zanen so kerdjilas pe kodole shavorentsa.

So maj but flykting shavora aven ando them jekhzene. Thaj so maj but shavora nashentar sako bersh katar le themeski kontrolla. E siffra barilas tele kadal agorutne bersh, de sar maj but flykting shavora aven jekh zenen.

Ando 2011 bersh sas 168 shavora, thaj feri 18 avile palpale. Ando 2012 bersh sas 330 sahvora thaj feri 32 sas shute po than. Ando 2013 bersh barilasas e siffra dji kaj 347 shavora kaj hasajle thaj sas feri 58 arakle.

Ando paluno sas rekordo pe sode shavora hasajle karing -374 zene. Kado djal avri ke sako djes hasajvel jekh shavoro.

O presschefo anda Migratsia Fredrik Bengtsson pinjaravel ke shella shavora nashentar thaj chi zanen kaj, vaj chi avna palpale.

Thaj sar von atcharenpe vaj sar von trajin penel o Fredrik Bengtsson ke konjik chi zanel thaj ke so kerelpe kana shvediska shavora hasajven? Vaj ke so kerelpe kana hasajven shavora kaj mangen asylo si pushimata kaj site aven dine responsebilno atveto katar le shavora tena avna.

E rosbonsibilita pe le shavora si kaj la komunako socialtjänst, maj but shavora kaj hasajven si ande maj bare forora. E Liselott Tronders kaj si anda socialjouren ando Stockholmo penel ke kado si jekh buchi kaj si ande prossesa

E policia chi kamelas te rodel.

Kana hasajvel shvedisko shavoro kerel e policia thaj vi o allmänhet sakofalo te araken kodole shavores-ale kana le shavora kaj si flyktingar hasajven naj chi pevno chi variso kerlape. Le duj shave ando Malmö hasajle lojine ando paluno kurko. E Policia pendasas ke chi roden pala lende.

O Jens Mikkelsen, journalisto ande SydSvenska Dagbladet, skirisardas e kevnja De förlorade barnen vaj le hasarde shavora thaj sas angluno te skirij pa falo kusa le shavora ando Malmö Centralstation. Leske nas choko ke e policia angunes pendas ke chi roden le shavoren. Ke mashkar 2007 dji kaj 2012 bersh hasajle 783 shavora kaj avile jekhzene ando them, thaj kadal shavora nas arakle. Thaj de sar e kevnja avilas avri hasajle inke 469 shavora .

Von trajin avri anda systemo thaj si zurales differentnje kaj le shavora peren . O Jens Mikkaelsen thaj e Katja Wagner kaj skirisarde e kevnja , maladjile kusa jekh shavo kaj trajijas pe vulitsi ando London, jekhe kaveresa kaj sas zmushono te biknel draba pe ulitsi ando Oslo thaj o tritho manush kasa von maladjile biknelaspe. Vof penel maj dur ke interen kas arakle thaj kerede intervjua tarajin savori oprush jekh avri anda systemo.

maj but kon hasajvel si mashkar le bersh 15 ,17 bershenge, ale de sar 2012 bersh si 90 shavora kaj sas tela 12 bershenge , so sikavel e e Migratsijaki statestika. Thaj karing 30 anda lende si 6 bershenge thaj vi maj therne.

E Elisabeth Dahlin kaj si generalno sekretarka po Rädda barnen penel ke but anda shavora si offjari po männisohandel thaj butivar si hasnime ande chorre bajora so shavoro shoha chi trubojas te nakel.

O jens Mikkaelsen penel ke o samhället dukavel le shavoren kaj hasajven , kado si baro misstag kaj keren le myndigheter, thaj e Migratsija das anav pe kasavi statestika frivilligt avvikna vaj ke kamen te nashentar , ale ke kodol shavora peren ande zurales paro thaj chorro trajo.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".