Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Nationalno

Zutin dosta e myndigheter e zudovoria ando Shvedo?

Publicime onsdag 18 februari 2015 kl 10.41
So kheren e myndigheter pala o vasdino dar mashkar e zudovoria?
(6:03 min)
Polisen bevakar utanför Stockholms stora synagoga. Foto: Vilhelm Stokstad/TT
Polisen bevakar utanför Stockholms stora synagoga. Foto: Vilhelm Stokstad/TT

Pala le teroristno atentatoria ando Franchuso aj Dinamarko kharing zeduvitsko targetoria e zudovoria ando Shvedo daran majbut anda kudo ke pashol e atentatoria kharing o tem o Shvedo.

O John Gradowski si informatciako cherutno pe o Judiska Församlingen ando Stockholmo aj vo phenel ke adjes si jekh vasdino securita kaj le zudovitsko tana, numa ke o församlingo vuchem de uni bersh parpale vasde ke si jekh maj vasdino dar vaj hotbild kharing lende e politciako myndighet chi la kudo opre sar kham trubulas.

- Ame manglem vasdino securita de lungo vrama. So kherdjilo ando Köpenhamn sas ferdi jekh khotor anda jekh lancho anda atentatoria, anda gor sas ando foro Toulouse pala kudo ando foro Bryssel aj pala kudo ando Paris angla te avel o atentato ando Köpenhamn.

E dar akhana si ke pashol e atentatoria kharing o tem Shvedo, aj naj ke nas teroristno atentatoria maj anglal ando Shvedo phenel o John Gradowski.

Vo majdur phenel ke sostar vo chi gindil ke e securitarno politca ando Shvedo chi la kado majbut opre si anda kudo ke kado si jekh atcharimos so len silen aj kham e securitarno politciake sas jekh khaver atachrimos pe sar trubul e securitarno levelo te avel.

O Lars Byström so si talesman anda o Politciakomyndighet ando Stockholmo phenel ke si jekh bari mila te si ke e manush aljaren ke naj lino opre lengo dar sar trubul.

- Me zanav ke representantoria maladjile kusa e politciako myndighet aj vasde ke si jekh vasdnio dar vaj hotbild. Aj pala kudo si lino jekh desitcia pe sar aj savendar dar vaj hotbild si kharing kadala targetoria.

Numa importantno si te zanel sako manush ke ame las sako manushesko dar seriosno aj dikhas pe sar si o hotbild kharing kudo so von phenen.

Majdur phenel o Lars Byström ke von akhana line te kheren jekh maj vasdino securita kharing uni targetoria pala kudo ke si jekh majbaro hotbild aj dar kharing jekh maj bari gruppa manushen.

O Lars Byström phenel ke akhana si majbut politcie so si pasha kadala targetoria aj ke e targetoria si majbut dikhline te na avel variso.

O John Gradowski so si informatciako cherutno pe o Judiska Församlingen phenel ke von khamen reaktcie khatar o civilno samhället. Lengi memberoria chi line dosta but reaktcie khatar lengi vortakoria so naj zudovoria aj kado si variso so vo khamel te dikkhel majbut anda.

Pala o atentato ando Paris aj Köpenhamn si but zudovoria so phene andi medie ke von denpe gindo te mukhen e tema kaj von trajin adjes anda kudo ke chi dikhen jekh futura kotche sar zudovoria.

E Henrietta Cahn si jekh 19 bershengi terni zudovajka aj phenel ke voj chi khamel te mukhel o Shvedo numa sila but amigoria so denpe gindo pe savo futura len silen ando Shvedo.

Pala kudo ke e Henrietta Cahn phenel ke lako maj tsino pral siles jekh gindo ke o Shvedo naj jekh tem kaj si jekh futura e zudovonge voj vi phenel ke kado gindo si pala kudo ke but terne zudovoria chi atcharen ke von shaj aven zudovoria puterdes ando Shvedo pala kudo ke si jekh dar ke varikon shaj lenpe lentza.

Majdur phenel pe jekh khaver gindo so si lake jekh chuda pe sostar e memberoria ando zudovitsko församling musaj te putchin korkoro jekh baro khotor anda e securita khana si zudovitsko kidimata.

E Henrietta gindil ke maj feder lenas kudola love te ton le pe aktivitetoria e chavorenge te shaj surjaren e zudovitsko kultura sar te putchinen e securita khana si zudovitsko kidimata so shaj avinosas putchindo te si ke e diferetni myndigheter aj o tem dine majbut love kaj le zudovitsko församlingar.

Pe kado phenel o Lars Byström ke vo nashtil te del jekh atveto numa ferdi shaj phenel ke khana von len e butchi te vasden e securita kharing differentni zudovitsko targetoria von kado kheren te na kherdjol khantchi kadala manushentza.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".