Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Nationalno

Nevo proposalo te avel maj feder e integratcia khatar o regeringo

Publicime torsdag 19 februari 2015 kl 09.24
Nevo proposalo pe maj feder integratcia
(4:54 min)
Ylva Johansson (S), arbetsmarknadsminister. Foto: TT
Ylva Johansson (S), arbetsmarknadsminister. Foto: TT

E bucha si ando fokuso vi kana avel kaj e regeringoski integraciaki politika. Similarno pala alliansoske partijengo proposalo kamel akanak e Ylva Johansson ministerka ande buchako marketi, te dhikel sude vaj skräddarsydda soluciji thaj jek sigo validacia ando kompetenso.

- O maj importantno si ke manush den ande buchi thaj ke kheren kado sigo. Kade etablulij pe o manush ando svedisko them thaj sichos e chib. Thaj kado te zal trobuj majbut khera thaj ke le komuni len jek responsibilita pe manush kaj si neve ando them, e shavora te len lasho than ande shkola thaj ande e förskola vaj shavorengi shkola, anda kode trobuj but bajura te aven funtionalni, phenel e ministerka po buchako marketo e Ylva Johansson, kaj vi si la responsibilita pe regeringoski integraciaki politika.

E paluni vrama sas o pushipe pa integracia o maj aktualno ande politika, thaj trin anda shtar alliansoske partiji o Centerpartiet, Kristdemokraterna thaj o Folkpartiet, prezentulisarde peske politicni proposalura ande kado pushipe.

Ferik ke e Ylva Johansson phenel ke o regeringo sigo vrama site prezentulin peski strategia ande svedisko integracia, thaj lengo fokuso avla ke manush neve ando them te aven sigo ande buchako trajo.

O Folkpartiet thaj e Kristdemokraterna dine sar exemplo o proposalo ke le permisiji te ashes ando them vaj e uppehållstillstånd te aven pharude, thaj te avel maj normalno kusa temporarni permisiji, vareso so e Ylva Johansson phenel ke naj jek produktivno buchi. Ke permanentni permisiji vazden e integracia ando them.

E Kristdemokraterna vi kamen te cirden palpale le love le azylantonge kaj alon vlasno kher vaj egete boende zamias te trajin ando Migrationverketoske khera. Ande jek intervjucia ande gazeta Sydsvenskan phenlas e Ylva Johansson ke kmane te dikhen po zakono pa vlasno kher vaj eget boende, ferik ke akanak phenel ke varesoske pharujimata naj aktualni akanak.

Vi o Centerpartiet prezentulisarde jek nevi integraciaki politika, thaj e Ylva Johansson phenel ke anda intregi proposalura katar o Allianso si e Centerpartijako proposalo majbut ande linja kusa e regeringosko.

E partia prezentulisarde proposalo ke azylantura site len edukacia ande svedisko chib aba ande azyloske khera, thaj ke o Migrationsverket thaj na ferik o Arbetsförmedlingen sigo ande azylaki processa te kezdin jek rhodipe pe azylantongo kompetenso.

E Moderaterna chi prezentulisarde inke peske proposalura pe integracua thaj majdur dikhen pe kado pushipe.

Ferik ke e Ylva Johansson phenel ke voj zipon so naj imponovano katar e Alliansoski integraciaki politika.

- Adjes kado naj dosta lasho. Me dikhav bare problemura kusa e etablaciaki-reforma tha ke e etableringslotsarna vaj guidura pe etablacia si o jek insatso kaj e neve ando them len. Intrego lengo gindo si chorres. Trobuj majbut buchi kusa kado te len e azylantura bucha, edukaciji thaj validacija, phenel e Ylva Johansson.

Kaj majdur phenel ke o goalo si ke neve manush ando them si te aven ande buchi thela duj bersh, thaj angla late kado si jek realisticno goalo. O gindo si te arakhes lengo kompetenso sigo, thaj trobuj flexibiliteto pe buchako marketo, thaj e Ylva Johansson phenel ke si jek possibilita te aven pharujimata ande buchako marketi te avna e buchake marketoske partura ande zgoda.

- Me inkrav diskusiji kusa e partura thaj sim optimisticno ke kamen te zutin azylanton te aven sigo ande buchi. Ferik ke trobuj te pharuvas e etablaciaki politika te shas zor pe sigi resursura. Adjes lel kado za lungo vrama thaj vrama si skodlivo ande etablaciaki processa, phenel e Ylva Johansson ministerka pe buchako marketi thaj e kaj si la e responsibilita pe regeringoski integraciaki politika.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".