Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Nationalno

Sar te chides love pe chi pantzia

Publicime fredag 20 februari 2015 kl 15.30
Te kides love pe pentzia
(4:21 min)
Foto: TT
Foto: TT

Avdragsrätten vaj e prava te cirdes anda love kana avel kaj o tradionalno khidipe lovengo ande pensia vaj pensionsparande csinjilas kado bersh katar e 12 000 zi kaj 1800 koroni.

Le expertura si ande zgoda ke e maj lashi alternativa si te pharuves forma po khidipe vaj sparform, thaj pachan ke o avdragsrätten fajma hasajvela safsom po kaver bersh, phenel e Monica Petersson anda Pensionsmyndigheten.

- So ame penas si, kide majdur love thela lungo vrama vaj långsiktigt ande chiri pensia, thaj te kides love aba adjes pharuv e forma po khidipe vaj sparform. Site agoris kadi avdragsgilla, kodo si e forma kaj cirdes thele ande chi deklaracia, kadi forma po khidipe lovengo majfederij te agoris akanak, phenel e Monica Petersson anda Pensionsmyndigheten.

O atveto sostar te shos andre love ande jek IPS vaj (Individuellt pensionssparande), vaj pensiako inshuranso sas ke birias o manush te cirdel thele love pe kado ande dekleracia, thaj kadalesa birias o manush te shudel maj angle o skatto kaj site pochines zipon chi avilas e vrama te les avri le love anda pensia.

Akanak len savore kaj khiden majbut sar 1 800 koroni te pochinen skatto duvar anda kado. O khidipe lovengo vaj sparande si kherdo katar skattovani love thaj pala kode kana site les avri le love si jek nevo skatto po inkomsto vaj nevi inkomstskatt. Anda kode majfederij te pharuves kaver forma pe lovengo khidipe, phenel e pensiaki expertka e Monica Petersson, ferik ke kado chi ginadzol savorenge phenel voj.

- Ja, kado si pa kodol manush kaj si le individualni vaj enskilda firmi, vaj kana naj manushes peski buchaki pensia kaj peski buchi vaj arbetsgivare, atunchi birina majdur te cirden thele love ande dekleracia ande jek privatni pensiako khidipe, phenel e Monica Petersson.

O majoriteto avla lenge aktualnie te phavuren forma pe pesko pensiako khidipe, phenel e Monica Petersson, pensiaki expertka ando Pensionsmyndigheten. Maximalnie si 1800 koroni kado bersh sar avdragsrätt, ke po kaver bersh si bari chansa ke hasajvela kadi prava safsiom.

Thaj kodol love kaj o manush aba khidas ashen majdur sa kothe kaj khidan le ferik ke o manush lel nevi forma po khidipe lovengo. Thaj maj sigo shaj les le avri pala kodo ke o manush pherdzilas 55-bershengo, phenel e Petersson.

- E rekomendacia si vi karing kodol manush kaj khide eksera majbut love te balansulin o fakto ke maj puzno dine ando svedisko buchako marketo thaj kadalesa zarobisarde maj cera ando allmän vaj tjänstepension, vaj normalno vaj buchaki pensia. Thaj sar e majbut zene trobujas e manush te alon mashkar duj alternativni formi po khidipe zamias e tradionalno metoda, phenel e Monica Petersson.

- Shaj phutres vareso kaj bushol investeringssparkonto jek investiako konto kaj khides loves, kaj si e maj skurto vorba ISK, vaj kapitalförsäkring, kapitalno inshuranso. Thaj kado si kherdo pala so trobuj manushen individualnie. Ferik ke jek investiako konto phendemas ka zal le majbuthe zenenge. Thaj te si manushes undzilipe po kher vaj bolån sar exemplo shaj avel mishto te kheres jek amotacia po undzilipe, phenel e Monica Petersson, pensiaki-expertka ando Pensionsmyndigheten.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".