Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
(4:32 min)
Kade phenlas e Soraya Post pa kado djes
Publicime onsdag 2 augusti kl 10.38
Soraya Post (FI) marel pe anda romenge chachimata Foto: Maja Suslin/TT.
Soraya Post (FI) marel pe anda romenge chachimata Foto: Maja Suslin/TT.

Alosaripe nakhlas positivne ando EU-parlamento thaj e romen avla jekh nevo internationalno memoratciako djes pasha kodo avla e vorba Antiziganismo oficialno.

Jekh khini Eu-parlamentariker si adjes e Soraya Post, voj phenel k o alosaripe nakhlas mishto aratchi ke akanak avla e romen lengo internationalno memoratciako djes 2 augusti.

Soraya Post phenel ke sas but negosiatci pa e buchi angla alosaripe, ke sas vi kaver buchia opre shutine pe alosaripe.

Jekh kaver punkto sas vi pa e rom ando Holocaust. Sar mezij pe adjes si e vorba maj but shutino pe e zidevitsko grupa thaj naj kade but shutini pe rom ale akanak shaj phenel pe ke vi e rom si tela kadi vorba akanak.

Soraya Post phenel ke e vorba holocuast si jekh grekitcko vorba thaj ke kado si chachimasa pe sa e manush so nakhle dujto ljumako maripe numa vi kade si variso chudno kadala vorbasa ke savori nashtik te aven tela late.

Jekh buchi so shaj te dosharel kado si e Stockholmoski deklaratcia, kadi deklaratcia sas shutini ando Stockhom kana 27 januari sas vazdino angluni data officialno ando bersh 1999 kana o purano statsminister Göran Persson kerdas kado djes baro ande intretgo ljuma.

Soraya Post phenel ke shaj te avel kade numa chi trobujas chachimasa te avel kade.

Jekh kaver buchi so nakhlas aratchi pe kado alosaripe ando EU-parlamento si kodo ke e vorba Antiziganismo si vazdini sar jekh officialno vorba thaj avla pe sa kodo levelo sar Antisemitism thaj Islamofobi.

Kadi buchi so akanak si opre vazdini kusa e vorba Antiziganismo avla bari, phenel e Soraya Post.

E rom marde but bersh anda kadi buchi thaj e Soraya Post phenel ke but anda e rom chi pachanas ke kado avla chachipe aratchi angla o alosaripe.

Akanak ashiol e konkretno buchi pe e europake thema phenel e Soraya Post maj dur.

Soraya Post phenel ke akanak kana e vorba Antiziganismo si pindjardo musaja vi e thema thaj e diferentne regeriungura ande europa te len kado seriozno ke akanak chi birij te shudel pe pe e vorba diskriminatcia, ke e vorba antiginasmo si maj bari sar normalno diskriminatcia.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".