Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Jek studia sikavel ke kas si tatuazo si maj agresivno

Publicime torsdag 12 november 2015 kl 10.30
Tatoo
(4:26 min)
Foto: Cecilia Corfitsen/Sveriges Radio.
Foto: Cecilia Corfitsen/Sveriges Radio.

Jek delfino po piko vaj jek luludji po punro mesi pe ke naj bari djela. Ale jek nevi studia sikavel ke manush kaj keren peske tatuzura si maj agresivni taj maj rebeliska sar e kaver.

O Anglia Ruskin Universiteto kerdas jek studia pe 378 zene, taj dine len pushimata sar reagulisardon ande ruzni situacie. Exemplura pe pushimata sas, te holjajlon aj pendon palpale auktoritetonke vaj chi pendon kanci.

O resultato sas ke kodol kaj sas len tatuazura reagulina maj agresivne sar kodolen kas nas tatuazura. Taj inke so maj but tatuazura sas tu adunchi inke maj zurales holjarniko taj agresivno sanas.

Ale e Ida Eliasson kaj kerel buchi po Fallen Angel Tatoo ando Gävle chi pachal pe kodo.

- Me phares pachaf pe kodo. Me inke chi pecisardem ke kodolen kaske kerav tatuazura kerdjon maj agresivni, penel e Ida Eliasson

Vi o Niklas Wessling si tatuerare, aj penel ke manush kaj si len tatuazura sikaven koni von ande peske tatuazura taj na ke si maj agresivni.

O Christer Almdal peshel chupa aj kerel jek tatuazo, taj chi daral te mekel o tatueringstudion.

- Me chi kerdjuvof maj agresivno akanak, penel vof taj asal.

Vi mashkar le rom si perdo zene kaj kerde peske tatuazura, aj o Luciano chi pachal ke chaches san maj agresivno kana si e manushes tatuazo.

Maj but zene keren tatuazura kaj znachin lenge variso, ale o Luciano kerdas vi jek tatuazo kaj bunuj ke kerdas.

Adjes mashkar e rom si maj buten tatuazura sar kodolen kaj naj, ale so parudjilas, chak varikana lasjavo sas kaj e rom te avel tu tatuazo.

Ale kado gindo naj feri mashkar le rom, vi kaj e svedura kade, kon si anda maj phuri generacia, vi von pachan ke kas si tatuazo si maj huligano.

- Me gindi ke but zene keren tatuazura te daraven le manushen, ale adjes si buten manushen tatuazura aj pares si mange te pendaf ke intregi si agresivni ale varikana kade sas ke kas sas tatuazo sas maj huligano, penel e Katrin Nybom.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".