Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Si tu dosta vrama thela helger?

Publicime fredag 18 november 2016 kl 11.05
But expektaciji, ferik za cera vrama
(4:43 min)
Ingvar Karmhed / SvD / TT
Ingvar Karmhed / SvD / TT

San tu jek anda kodol zene kaj si tu pherdo planura thaj expektaciji kana avel o helg vaj e palune djes le kurkeske, ferik ke o savato thaj o kurko zal tuke za sigo, thaj pale lujal.

Na dara chi san jekzeno, ame ando Radio Romano pushlam ame romendar save planura si le angla helg vaj o weekend thaj chachimasa sode anda kadal si vrama te kheres.

Kade phenel o 40-bershengo Jono thaj e 22-bershengi Tiffany anda Stockholmo, ke von den pe gindo kana pashol o savato thaj o kurko. Ferik ke sar zurales buthe kavere manushenge mezij o chachipe kaver kana aven kodol duj djes kaj kade zurales zukaras le thela o kurko. Thaj sode chachimasa si vrama te kherel o manush thela o helg vaj o weekend anda kodo so kamlov, kade phenen von majdur.

Kana o Radio Romano rhodas po internet majbut sostar e helger si buthenge kade skurti vaj sostar mezij ke naj vrama te kheres sa so khames thela kadi vrama, lam sama ke pe pherdo bloggar skirin manush kaj kheren buchi, dada thaj deja pa helgstress vaj stresso thela o savato thaj o kurko. Thaj sigo dikhes ke si similarni gindura te naj dosta vrama pe sakofalo thaj ke za sigo zan e helger.

De pari bersh palpale sikhavel jek studia katar Yougov publicovano ande gazeta MåBra ke so majbut zene chi han dethera ke acharen ke naj le dosta vrama te kheren peske te han, thaj te beshen thele thaj te len kodi vrama.

Ferik si si kado kade sakoneske? E Tiffany phenel ke bari diferenciaj pe volno vrama thaj pe helger vaj weekendura kana avel kaj e trajoski situcia. Na sako zeno acharel ke za cera vrama si les vaj la.


Si inke jek faktoro opruch e buchi kaj del jek baro effekto pe vorta helger, phenel o Jono. E familja vov phenel amenge ke leske sas jek bari diferencia pe leske weekendura angla thaj pala kode ke sas les shavora.

Sar kaj shunas acharen but manush ke za skurti si e helger, naj dosta vrama te kheres sa so kames, thaj pale avel e luja thaj site djas ande buchi. Chi trobujas atunchi te zanas kadi struktura aba, thaj tena avel ame sa kasave bare expektaciji pe le helger thaj te sichuvas le gindosa ke sigo djan, o Jonoi ulavel pesko gindo amensa ande kado pushipe.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".