Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Nationalno

Vazdino levelo pe dar ando Shvedo

Uppdaterat torsdag 19 november 2015 kl 13.29
Publicerat torsdag 19 november 2015 kl 15.34
Vorbin pa Svedoski sekurita
(6:07 min)
Fredrik Sandberg/TT
Fredrik Sandberg/TT

Jek mursh si huchildo ande pesko absenso vaj anhållen i sin frånvaro ando rhodipe kana avel kaj preperacia pe terroristicni kriminalitetura, phenlas o chefo anda Säpo o Anders Thornberg thela presskonferenso arachi


- E sekuritaki policia las andre konkretno informacia kaj kherdas ke kezdisardam jek rhodipe pa preperacia pe terroristicni kriminalitetura. Ame sam ande jek intensivno operativno buchi thaj kheras buchi te keras analyzo thaj te dikhas e informacia kaj avilas andre. Jek atveto po vazdino levelo po terror si te das e policia possibilita te kheren buchi le manushensa ando them.

O chefo ande sekuritaki policia vaj Säpo, phenel ke si jek specificno dar karing o Shvedo, ferik ke nashtik phenel maj but detalura akanak thaj ke ferik pari djes kherde buchi kusa investigacia.. Thaj e sherutni prokurorka e Agnetha Hilding Qvarnström ando Riksenheten phenel ke vazde jek förundersökning vaj rhodipe pe preperacia pe terroisticni kriminalitetura.

O vazdipe pe dar naj direktnie phangli kaj e atakura ande Francia thaj Belgia thaj chi ande Denmarko kaj vi von vazde o levelo pe dar, phenel o Thornberg.

O Mats Sandberg, chefo ando NCT (Nationellt centrum för terrorhotsbedömning), phenel ke e konklusia si jek kombinacia anda operativno informacia thaj o strategicno patreto kaj kheren. Vov phenel ke o Shvedo naj jek prioritaciako goalo/mål ando IS (Islamiska staten), ferik ke si jek legitimno goalo/mål.

- Si ame jek zurali situacia ande but thema ande Europa. Ferik ke kana avel kaj o Shvedo las e e konklusia ke anda o IS dikhen po Shvedo legitmnie sar jek goalo/mål, phenel o Mats Sandberg.

E policaki nationalno operetivno departemento, NOA akanak preperulin e buchi kaj znachij ande vazdino levelo pe dar. Jek nationalno buchi vaj sammanställning anda objektura kaj si te aven protectulime si kherdo, ferik ke e lista si securno.

O Mats Löving, chefo ando Nationella operativa avdelningen på polismyndigheten.

- Kado si ulado ande duj kotora. Rhodas e murces kaj si rhodino. Ando dujto si kado jek konsekvenso po darajimasko patreto ando them. Zurardam amari precensia pe phuterde thana, phendas o Mats Löving.

Ferik ke sol duj chefura anda Mats Löving (NOA) thaj o Säpo-chefen Anders Thornberg, phenel ke manush site trajin pesko trajo normalnie.

Arachi sas inke jek presskonferens kaj vorbias o inrikesminister Anders Ygeman pa o vazdino terroristicno patreto.

Vi avla proposalo pa kriminalisacia pa preperacia, stämpling thaj kezdipe pe vapen vaj armijenge brott angla krechuno.

O Anders Ygeman phendas ke e policia thaj o Säpo si ande jek staboski situacia. E policia dichola majbut pe specialni thana sar thana ando kollektivno trafiko, religiake thana thaj mediji.

- O regeringo lel kado vazdipe zurales serioznie. E policia kherla buchi te zuraren specialni thana. Kado shaj avel phuterde thana sar religiake thana vaj mediji. Ame si te kheras sa so birisaras te inkres e sekurita, phenlas o Ygeman.

O vazdipe chi znachij parujimata kana avel kaj e granciake kontroli ando Shvedo, phendas majdur.

Me acharav ke savore daran thaj kamen te djanen so kerdzilas pe. Ame majdur savore sam ando chocko pala o Paris.

- Ferik ke musaj vi te acharas ke o Shvedo site avel phuterdo thaj securno, musaj te protectulisaras o them, anda kodo si importatni ke o Säpo thaj e policia shaj keren peski buchi. Thaj me pachav ke von kado birin thaj anda kode si mishto ke phenen ke si seriozno e situacia, phenlas e Anna Kinberg Batra.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".