Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Artistonca barilem opre

Publicerat onsdag 25 november 2015 kl 14.01
Mikola Kraja Sarkozi
(9:00 min)
Mikola Kraja Sarkozi
Mikola Kraja Sarkozi

Le romane gila mindig sitjonaspe jekh jekhavrestar khon zanelas gilabelas, jekh anda kodola manusha khon de khatar peske 7 bers gilabelas si o Mikola Kraja Sarkozi andaj Ukrajna khon vi barilaso pre la Indijake gilanca

La Indiake filmura, peske sukare gilanca bute romen cirden, the dikhen prelende. Jekh khetanutno stilo inke vi adjes shaj rakhelpe maskar indocko musika thaj i romani. O exemplo phe kado si o ucho punkto andej brigake gila.

O khelipe thaj i musika mindig sas ande ande romengo trajo. I romani musika si sar jekh könjva savi thele iskirij o choro thaj o laso trajo sar jekh historia. I romani musika del peski historia, andi Spania o Flamenco, ando Ruso o Romans thaj ando Ungro o Chardas. Le rom sas kodola khon vaze kadala muzikako stilo.

Anda kado le romen mindig sas pinzarde artistura bikodo variko the zanglo. Sostar o majoriteto sikavlas opre le roman gila sar peske. De kadi vreme aba adjes si parudi.

No adjes khon zurales trubundo the avel pinzardo sar lumako aristo si Mikola Kraja Sarkozi thaj brigasa shaj phenav khe vov pinzardo perdal numa i socialno media, sar Facbook. Shunen sostar vov chi alosardas the avel jekh lumako artisto.

I gili khatar i Madona , La Isla Bonita/Lela lela palatute iskirindas le Krajasko nano o Guszti.

Adjes romane gila gilabenpe pha o kamipe, de naj but alava savala hasnipe opre andej gila. Kodo shaj avel sostar o kamipe mindig inkordjolaspe maskar i zuvji thaj o murs thaj naj variso so puterdes phenelpe avri vorbenca. O Kraja Sarközi phenel khe le alava si ande shute ande sako manushesko ilo thaj kodola zal thaj site rodenpe angle thaj the hasninpe andej gila.

I Romani shib si barvali phenel o Mikola Kraja Sarkozi andaj Ukrajna thaj vov bisavel amare asundengi peski gili, Sim tusa sar jekh bajval.

Tume shunde i gili sim tusa sar jekh bajval khatar o Mikola Kraja Sarkozi thaj khon sas tumenca thela kado artiklo si i Agnes Lakatos.

 

 

 

 

 

 

 

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".