Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

O Shvedo shaj te bichavel palpalal e nashutnen

Publicime tisdag 1 december 2015 kl 11.47
Shvedo shaj te bichavel palpalal e nashutnen ke javer EU thema
(2:43 min)
Nashutne ando EU.
Nashutne ando EU.

EU komisia dla piri vorba e Shvedoske kaj ka rodel kotra e javer thema te ljen maj but rensponsibilita pa nashutnenge puchimata. EU komisia vi phenda kaj godoljestar kaj o shvedo las but nashutnen naj musaj te anane vi 4500 djenen kotar e Italia thaj Greko, phedas gade o EU:s flyktingkommissioner Dimitris Avramopoulos kan sas ando Stockholmo.

O Dimitris Avramopoulos kana sas ando Stockholmo ando piro angluno vorbipe phendas kaj o Shvedo zoralje mishto kerda piri buchi thaj kaj si jekh kotar e thema save ljilje maj but nahsutnen ando dji akana.

Vadje chi djanope kobor nashutne ka muchinpe kotar o Shvedo ke javer thema ke javer them thaj sar sa akava ka realizinolpe andi praktika, numa o Dimitris Avramopoulos dela piri vorba kaj ka del maj but informacia kana e komisia ka del piro proposalo ke jave membronge thema andi EU maj dur akava kurko.

Vi kaj vresave nashutne ka muchinpe kotar o Shvedo ke javer them o Avramopoulos phnedas kaj o Shvedo naj musaj te avol o them savo ka kerol transfer e nashutnego (European Resettlement Programme) sar so kerol avdive godo o Greko thaj e Italia. Sa kala proposlai trubun te vazenpe upre e javer EU themnca akva kurko thaj te shaj kerolpe ljenca buchi.

O Shvedo vi dla piri vorba kaj ka del 90 miljionia krune kotar e EU nahutnengo fondi te shaj pochinepe e koshti save baron pa e azialantonge aktia thaj te shaj lundjarenpe ande jekh vramaki e kontrola ande granice e themske.

E migarciako ministari o Morgan Johansson si chalo pe akava kedipe, thaj adjukerol akana kotar e EU komisia te kerol piri buchi.

O migraciako ministari o Morgan Johansson adjukerol akana te djanol pe savi cifra o Shvedo ka perol, tyhaj kobor nashutnen ka ljen maj dur.

O Shvedo sas kotar e anglune thema andi EU save kamlje te denljinen e 160 000 nashutnen, numa but thema chi ikerenpe pa e decizia dji akana numa 159 persone deljindjepe.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".