Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Adjes lelpe o Julkalendern

Publicime tisdag 1 december 2015 kl 13.36
E 11-bersheski Tea rutsij ande shkola
(4:43 min)
Julkalender Månsaråttan
Julkalender Månsaråttan. Foto. Sveriges Radio

Adjes o angluno december las pe le pinzarde thaj popularni paramichi kaj djan ando Shvedisko Radio Thaj ando SVT e Shvedisko Televizia, kezdin adjes thaj agorin pe o 24 december po krechuno.

Djanen sako pa soste vorbij e paramichi "Julkalendern"

O Shvedisko Radiosko krechunosko kalendari vaj julkalender, vi pinzardo sar o radiokalendern, si jek programo ando Shvedisko Radio kherdino shavorenge. E angluni seria sas mukhli ando radio ando 1957-bersh thaj busholas "Barnens adventskalender".

Thela bersh kerdzilas o julkalendern jek drago krechunoski tradicia buthe familjenge kana khiden pe khetane peske shavorensa thaj shunen jek seria ando djes zi kaj o krechuno.

Kadale bershesko julkalender kaj kezdisajlas adjes bushol "Månsaråttan" thaj si pa e 11-bersheski Tea kaj rutsij pe. Ando cino foro Bykestad ando Skåne chi kerdzol shoha vareso interesno.

Ferik ke e adventura naj dur. Ande shkolaki pinsa khidas pe ande jek mysticno djuvli kaj bushol Månsaråttan andre thaj voj thaj e Tea kerdzon amala thaj sigo kerdzol pherdo interesni bajura ande Teako trajo.

Kadale bershesko julkalender si skirime katar e Gertrud Larsson thaj e Åsa Asptjärn, thaj regisovano katar e Camilla van der Meer Söderberg.

Thaj e rolla sar e Tea kherel e 11-bersheski Lilja Östervall Lyngbrant thaj e Månsaråttan si kheldi katar e pinzardi shvedisko artiska e Nanne Grönvall thaj ande majbut rolli si pinzarde shvediska manush sar o Dogge Doggelito, Lena Philipsson, Johan Glans thaj o Carl Bildt.

Kadale bershesko julkalender sikhavel diferentni adventuri mashkar e Tea thaj e Månsaråttan, thaj e terni Tea kamel majbut katar pesko trajo jiva si ferik 11-bersheski, si la goulura kaj voj kamel te kherel zipon merel.

Adjes kezdij o julkalendern vi ande Shvedoski Televizia vaj SVT kaj si inkherdo katar o Erik Haag thaj e Lotta Lundgren anda seria Historieätarna kaj djalas ando SVT, kaj traden pherdal 1 000 bersh historia, katar o bersh 1015 - 2015 po krechuno te phenen shavorenge shvedisko historia.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".