Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

But EU-migrantura site pochinen kriminalni manushen

Publicime torsdag 3 december 2015 kl 14.22
Ygeman: Baro garudino patreto
(5:16 min)
Tiggare på Sergels torg. Foto: Leif R Jansson /TT.
Foto: Leif R Jansson /TT.

Kriminalni manush chorres hasnin aba exponovani EU-migranton kaj mangen love vaj pochin anda kodol thana kaj voj le mangitora beshen thaj mangen. 

Kado si akanak phendo ande jek nevo rapporto katar e policia, kaj arachi inkherde jek presskonferenso.

Ando phuterdo debatto sas diskutovano chi o mangipe pe vulici si organizovano vaj na. Ferik ke so akanak avel avri ande jek nevo nationalno patreto pe situacia kaj e policiako operativno departemento (NOA) kherdas, si ke kriminalni manush den avri e thana kaj mangen le EU-migrantonge thaj len love pa kado, phenlas o themesko sherutno ande policia o rikspolischef Dan Eliasson thela o press-khidipe kaj sas presentovano o rapporto.

E maj normalni kriminalitetura kaj si kherde karing e mangitora si xenofobicni kriminalitetura, maripe thaj ke biknen manushen vaj traficking.

Chi djal pe phenes sar exaktnie mezij e situacia, ferik ke so djanas si ke majbut djene opre den kaj e policia, phenlas arachi o andrethemutno ministro o Anders Ygeman arachi pala presskonferanso.

- Majbut den opre kaj e policia thaj kado si mishto te birij e policia te kheren investigacia te ashaven traficking thaj prostitucia, phenlas o Ygeman.

Ginade e policia ando nevo rapporto ke si cirka 4 700 EU-migrantura ando Shvedo. Ferik ke jek baro problemo ande kado pushipe si ke but anda e mangitora chi den opre ande policia so nakhen. Kado kherel ke si jek garudino patreto sar e situacia chachimasa mezij, thaj che baro si o problemo.

Kadalesa site kherel buchi akanak o regeringo majdur kusa e policia, phenel o Anders Ygeman majdur.

- Site djas majdur e buchasa kana avel kaj o "mörkertal" vaj o garudino patreto. Thaj eventualnie te das e buchi kaj o Brottsförebyggande rådet te kheren jek kartografia po garudino patreto. thaj pala kode vi si ame e initiativi line katara o regeringo te avel maj letko te shuden EU-migranton pa privatno phuv. Ferik ke si o maj baro nevipe adjes, si ke e policia akanak birina te len EU-migranton pa thana vaj avhysa sar kaj si slobodo ando zakono adjes, phenlas o Anders Ygeman pala arachutno presskonferanso.

" Ande pherdo pherdo foroske kotora krujal o Shvedo si kriminalni manush kaj kontrolulin jek vaj majbut anda kodola djelnjicake thana kaj anen andre love vaj inkomstbringande platser po mangipe" sikhavel o rapporto

Kade vi si thaj kado del jek nasul effekto karing le romane EU-migrantura thaj butivar si kado kherdo katar manush ande sa kodi gruppi vaj kaver rom, phenel o rom o Mario kaj so avilas ando Shvedo anda Romunia te mangel te shaj zutij peska familia.

O majoriteto anda rom kaj mangen pe vulici kheren kado thaj naj musaj te pochinen varekaske kaj si kriminalno, ferik ke aven volentarnie ando Shvedo ande gruppi kaj si familja, nipo vaj amala. E maj normalni kriminalitetura kaj e EU-migrantura nakhen si mängdbrott, vaj maj cine kriminalitetura sar exemplo ke choren lendar.

Majbut anda lende aven vaj anda Romunia vaj anda Bulgaria, butivar peska familjasa, sikhavel o rapporto katar e policia.

Ferik ke but anda le mangitore si phangle kaj organizovano kriminaliteto thaj si thela kontrola katar kriminalni manush, butivar sa kodole nationalitetosa sar le rom kaj mangen. Von chorres hasnin le mangitoren ke mangen lendar pe zor love pa o than kaj mangen, phenel majdur o Mario anda Romunia.

Thela paluno bersh sas opre dine panch fallura kaj e policia pa traficking kana avel kaj e mangitora, kaj kodo manush vaj sas e offiara sas thela e 18-bersh. Totalnie vazdas o kotor opre dine fallura pa traficking mashkar mangitora katar e 9 fallura ando 2013-bersh zi kaj e 55 mashkar o januari zi kaj oktober kado bersh.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".