Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Nationalno

Streso katar o kretcono

Publicime måndag 7 december 2015 kl 12.54
Streso kretconosko
(4:51 min)
Foto: Fredrik Sandberg/SCANPIX
Foto: Fredrik Sandberg/SCANPIX

Kana atcares o streso so avel, aj shol pe tuke ando kirlo aj tuke si pares te purdes.

Atuntci musaj te tordzos le jek oddeho aj purde lokes aj gindon ke naj tuke musaj te stresolis aj te nashes.


25 procentora anda sa manush penen ke kado so del len majbaro streso si ke musaj te kinen presentora, majbaro streso atcaren kadal so si mashkar 15-29 bershenge.

Zurales but anda manush ando Shvedo penen ande kado rodipe ke chi loshan e kretconoske, 31 procentora penen ke chi kamlov te inkren o kretcono. Kadal so si opral 65 bershenge si kadal so majcera loshan e kretconoske.

O biskopo ando shvedo pendasas ke bari mila si ke e manush atcaren baro streso angla kretcono, jek anda majbare dzes so si. Majdor pendas o biskopo ke vof gindon e manush bisterde sostar kerelpe o kretcono.

Jek pushipe so sas ande kadi investigazia sas so si maj inportantno po kretcono, 88 procentora pende ke te aves chira familjasa aj 48 procentora pende te shaj zutisaras manushenge kaske si phares.

Tela kadi vrama kana o kretcuno si naj feri guglimata, shukar jolki aj mishtipe. O socialtjänsten penel ke bute paren trobuj zutipe pala kretcono anda streso e kretconosko.


O Hans Fagerstedt so si cherotno po familjerådgivningen ando Stockholm penel ke but holi zal pa kado kasa te aven po kretcono aj pashakado pares si ande relatcia po but manush si ketane intrego chaso tela kretcono aj stresolin ketane.
Tela kretcono vi e ekonomia familjaki parodzol po but love avri den. Aj kana beshen po kretcono e zor avri gelas aj feri holi ashilas.


Maj feder avilov te shaj shon e problemora pe rik aj te avel patca po kretcono, ale kade naj mindig. Sar kaj si ande sa konfliktora zutij te vorbis pa chiri situatcia aj sar tuke si. Aj te shudas pe jek jekeste po kado chi zutij. Penel o Hans Fagerstedt


Varikana kan vorbinas amende maj but sas zuvla so mangenas zutipe ande familjake problemora pala kretcono aj e mursh atcarenas ke feri musaj te zan vi von kote. Adjes kado parodzilas sa kade but mursh sar zulvia mangen zutipe pala kretcono.


But manush adjes nashentar katar e kretconosko streso aj treden ande tate tema, sar te den avri peske love pe presentora jek jekeske kinen biljeto ando tato tem aj traden peske te pehenin.


Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".