Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Nationalno

O Lagrådet das kritika aj o Regeringo las palpale e propozitcia po nevo pravo

Publicime tisdag 8 december 2015 kl 13.36
O Regeringo lel palpale peski propozitcia
(4:51 min)
Statsminister Stefan Löfven. Foto: Janerik Henriksson/TT samt Johan Nilsson/TT.
Statsminister Stefan Löfven. Foto: Janerik Henriksson/TT samt Johan Nilsson/TT.

O Regeringo las palpale e propozitcia po nevo pravo te pandaven o Öresundsbron pala bari kritika katar Lagrådet.

Ame vazdam opre but teknitcne problemora e pravosa, ale o baro problemo si ke naj respekto e pravosko, te dikelpe sar inkrelpe o pravo. O inkeripe e pravosko si variso kaj o Shvedo shaj putcarelpe aj mindig kado kerelas ke kado sas variso so inkrasas. Akanak kado pagrel amare traditci. Kado pendas o Bo Svensson so si ledamot ando Lagrådet.

O Lagrådet si o instanso so kontrololij e regeringoske propozitci pe neve pravora. So si zurales inportantno si te diken e pravora kaj o tryckfriheten aj yttrandefriheten ande unji medji.

Ando Lagrådet beshen sudza "domare" katar Högsta domstolen aj Högsta förvaltningsdomstolen.

Kodo so o Lagrådet penel si feri te zutin o regeringo naj musaj te keren sar o Lagrådet penel.

O Bo Svensson penel majdur.


Anglones gindos ke kado si jek ad-hoc pravo aj avilas feri te pandaves o Öresundsbron. Ala kana dikes maj dur kado si jek pravo pe specialne detcizji so si pasha zurales bari dar aj riziko e manushenge so trajin ando tem. O pravo chi mezij te avel shuto kaj e but nashutne aven feri mezij zurales generalno. Kadale pravosa e regeringos si bari zor te kerel so kamel manushentca.

Kamaf te na avel kade ke kado avela jek anda but exemplora provontca kaj o regeringo kerel sar feri kamel.
Kado pendas o Bo Svensson.


O Anders Ygeman so si inrikes ministro penel ke trobuj te las e kritika amende, ale ame dikas pe kado kavre jakentca sar kaj o Lagrådet dikel. O Lagrådet penel ke o pravo si te avel lino sar kaj lelpe o pravo ando Shvedo, ale amen naj kadi vrama. Anglones te zukaras 6 shion aj palakado te keras variso. Amenge musaj akanak. Kitci nashutne so aven shoha nas sar kaj si adjes aj o regeringo musaj te reagulij aj te kerel variso. Kado pendas o Anders Ygeman.

Maj dur penel o Anders Ygeman ke ame sam kadal so sam alosarde katar e manush ando tem aj atuntci kado ashel po regeringo te shaj kasave dzelora keras.

Jek pushipe kaj o Anders Ygeman si chi o regeringo inkerlpe pala e Shvedosko pravo.


O Anders po kado penel ke musaj te inktenpe pala o Shedosko pravo ale si posibilita te na avel kade ande unji situatci. Kado si kana musaj te keras variso sigo aj naj vrama te zas e normalne drometca. Kado naj jokvar aba sas ando tem. Kado sas kerdo kana o kriziso e finansosko sas aj vi kana e Atterfals khera sas kerdo kado katar e purano regeringo.

E kritika pe kado parojipe e pravosko si katar but anda parti ando riksdag.

Po mizeri adjes o Regeringo las palpale kadi propozitcia te pandaven o Öresundsbron.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".