Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Erland Kaldaras phenel sostar RUF mukhle o Ung Minoritet

Publicime torsdag 10 december 2015 kl 13.25
"Anda Unga Romer mukhlam Ung Minoritet"
(3:41 min)
Erland Kaldaras, ordförande i Romska ungdomsförbundet. Foto: Anna-Maria Ahlén/SVT Sápmi.
Erland Kaldaras, sheruno ando Romska ungdomsförbundet. Foto: Anna-Maria Ahlén/SVT Sápmi.

Ung Minoritet skirisarde pe socialni mediji ke agorin e buchi khetanes kusa e romani organizacia Unga Romer ke dukhade lengi projketa khetanes, thaj arachi shundan so phenel pa kado o projektosko kordinatoro ando Ung Minoritet o Dennis Barvsten.

Vi e terne romengi organizacija o Romska ungdomsförbundet thela hösten vaj pala milaj kado bersh mukhle e projekta thaj e buchi kaj sas le ando Ung Minoritet, le atvetosa ke von chi kamen te aven ande organizacia te lena von te kheren kusa kusa Unga Romer thaj thaj o sherutno Emir Selimi.

Thaj kade pa kadi decisia phenel amenge o ordförande vaj sherutno anda Romska ungdomsförbundet o Erland Kaldaras.

E terngengi minoritetongi organizacija Ung minoritet, shute opre pe peski Facebook-patrin o 7-december ke von agorin peski buchi khetanes kusa Unga Romer thaj o Emir Selimi, pala kado ke von acharen ke le Unga Romer naj dosta demokraticni valuaciji ande peski organizacija.

Dennis Barvsten, projektosko kordinatoro ando Ung Minoritet, phendas ando Radio Romano ke pala zeriozni incidentura alon von akanak te kheren jek indipentno rhodipe ande kado falo.

O Erland Kaldaras anda Romska ungdomsförbundet, phenel ke kana san romano aktivista importatnoj te alos save romane organizaciensa site kheres buchi.

Pachav ke si le jek lasho gindo kana avel kaj e buchi romensa thaj te zutin romen ando Shvedo, ferik ke varekaj thela drom ghelas vareso chorres, phenel majdur o Erland Kaldaras ando Radio Romano.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".