Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Nationalno

Nobel 2015

Publicime torsdag 10 december 2015 kl 15.10
Nobel 2015
(4:47 min)
BJÖRN LARSSON ROSVALL / TT
BJÖRN LARSSON ROSVALL / TT

O Alfred Nobel skirisardas ande pesko testamento ke leske love si te zan kaj jek fond.

Aj e renta kotar si te zal kaj manush so kerde mishtipe aj zutipe sa e manushenge pe luma.

O Nobel sas avri dino anglono razo 10 dez o bersh 1901 kado sas 5 bersh pala e Nobels meripe. Katar kado djes e patciv aj o pris si avri dine pe kado djes sako bersh.

O Nobel pendas ke 5 prisora sas te aven. Ande Fysik, Kemi, Fysiologi vaj medicin, litteratur aj jek fredspris.

O Fysik aj Kemipris si avri dino katar o Kungliga Veteskapsakademin, o Nobel ando Fysik las kodo bersh o Takaaki Kajita aj o Artur B. McDonald kaj arakle avri neutrinooscillationer. Von arakle avri ke e neutriner paroven o identiteto.

Ando Kemi las o Tomas Lindahl, Paul Modrich, aj Aziz Sancar kadale bershesko nobel ke dine amen jek zanglipe sar te dikas e celler keren butci.
O Tomas Lindahl si anglono anda Shvedo so las o Nobel de kana o bersh 1903.

O pris pe ekonomia shaj del pe kaj trin manush sar majbut aj bushol ekonomipriset sas shuto katar o Sveriges riksbank ando -68 bersh but penen ke kado naj chacho nobel pris po nas ando lesko testamento. Kado bersh las o Angus Deaton aj vof sikadas sar shaj kerelpe jek ekonomichno politika so vazdel o mishtipe aj chijarel o choripe ande luma.

O Fredspris kado bersh zal kaj Tunisian National Quartet aj kado von line ke but lashi butci kerde kana sas e revulutcia ande Tunisia.

Ande litteratura las e Svetlana Aleksijevitj anda Parni Rusia. Ande literatura e Svenska Akademin del avri o pris.

Ande Medecina o pris sas avri dino anda maripe e parisitontca aj maripe e malaria aj o pris gelas kaj o William C.Cambel Aj Satoshi Ömura aj dopash kaj Youyou TU.
E Youyou Tu si e 12 zuvli so las o nobel ande medecina.

Sako jek so lel o pris lel 8 miljonora koroni jek medalo so si kerdo katar o skulptoro Erik Lindberg aj jek diplomo so si panglo kaj e butci so o Nobelpristagare kerdas.
O Fredspristagare lel jek medalo katar o Norvegitcko skulptoro Gustav Vigeland, E Ekonomi pris medalo si kerdo katar Gunvor Svensson - Lundqvist.

Variakana o pris sas 10 miljonora koroni ale musaj sas te cinjaren o bersh 2012 po e love kaj o Nobelstiftelsen chi baronas dosta.
Mashkar e bersh 1901 - 2015 sas avri dine 573 nobelpris, aj von sas dine kaj 822 mursh aj 48 zuvlia aj 23 organizatci. E Marie Curie si e jek zuvli so las o pris majbut sar jokvar.

E Shvedos si 30 zene so line o prisora.

Adjes 10 dec si o Nobelfesten sa e pristagare aj kaver gustura aven te han te pen aj te bavin pe.
Sa po sa opral 1200 manush si kote po tan. O kraj e Krajsinja aj kaver dignitetora pa intrego luma si kote po tan.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".