Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Nationalno

Nevo centro roditorenge ande medecina

Publicime fredag 11 december 2015 kl 12.42
Biologicne neve medecini
(3:17 min)
Foto: Jessica Gow / Scanpix
Foto: Jessica Gow / Scanpix

Adjes o regeringo kerdas presentazia pa jek rodipe so si te avel pa proteinforskning aj medicinako rodipe pe biologicne medecini.

8 bersh so avena o regeringo del 900 miljonora koroni te shaj keren utveckling pe kadal aktivne substansora so si produkovane anda bioligicno materialo.

O regeringo kerela ketane e Knut aj Alice Wallenbergs stiftelse aj e medecinaki firma Astra Zeneca te shaj keren jek nevo roditorengo centro ando Stockholm. O gindo si te shaj putren jek nevo platformo neve gindontca aj inovaciasa aj si te bushol Life Science-sektorn aj kado si te ingrel kaj jek nevo zanglipe aj e vramasa kaj neve medecini so si kerde ande biologicno meterialo.


O Mikael Damberg so si innovationsminister penel ke o Shvedo tordjol angla neve posibilitaci aj vi problemora, but neve nasvalimata aj infektci nasvaren manushen aj pasha kado but tema nakle e Shvedos e 10 bersh so sas ande kadi Life Science industrin. Kado kerdas ke but butca hasajle ande kado sektoro ando Shvedo. Akanak o regeringo kamel kado te parovel. Kado pendas o Mikael Damberg

Ame araklam jek tan jek butci kaj o shvedo shaj avel zurales zuralo aj baro aj kaj e Shvedos si tradiciji aj lashe roditora ande kakal butca. Aj akanak kana das kadal love po zutipe avena maj but roditora pa intrego luma amende te keren butci ametca. Aj kado zurarela intrego Shvedos sar je zanglimasko tem aj roditorengo tem. Kado pendas e Helene Knutsson so si ministerka pe högre utbildning aj forskning.

Kadal neve rodimata si katar jek projekto so o KTH aba inkerdas 12 bersh aj kote von arakle 20 000 proteini ando manush. Akanak o gindo si kado zanglipe si te avel shuto ande neve medecini so si ande bioteknicno aj biomedecinovo industri. Aj kadales kerela ke avena majbut butca ando Shvedo.

Te zana avri o forskning mishto avela bari posibilitacia te keras bare invetacia maj angle. Kodo pendas o cherotno katar AstraZeneca o Pascal Soriot.


kana vorbijpe pa medecini kado si lungo drom pukim variso si gata, kado shaj zal 20-25 bersh pukim e medecini si gata. O horisonto si lungo aj kado musaj te zanas. Kado pendas o Pascal Soriot.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".