Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Temlica po trajo anda terrorismo

Publicime måndag 14 december 2015 kl 12.14
Haisam A-Rahman: Importatno ande buchi
(1:51 min)

Temlica po trajo kodole duje murcenge ando Göteborg kaj sas opre dine pe terroristicni kriminalitetura kaj mudarde duje murcen ande Syria.

Ke le duj djene sas convictovani, si kado jek bari signifikacia ande buchi kontra terrorismo, phenel o Haisam A-Rahman, kordinatori ando Göteborgs Stads arbete mot våldsbejakande extremism.

- Kado si importatno vi ando Göteborg thaj vi le Shvedoske. Importantnoj ke manush kaj kherde kadal kriminalitetura ande Syria inkherdzon responsibilni anda kodo so kherde. Kado convicto si jek importanto signalo ande futuraki buchi amenge, phenel o Haisam A-Rahman.

O tingsrätten skirin ande pesko convicto ke birisarde te sikhaven evidencia sas le duj murce line participacia ande mudarimata thaj si te aven ginade sar doshale. Jek filmo sar shinen thele duje murcengo shero sas sikhado thela krisi.

Pala convicto sas e mudarimata thaj o filmo kherde te daraven zurales manushen ande Syria thaj kaver manush kaj chi pachan sar e extremicni gruppi ando islamo.

Jek anda convictovani murce, beshel sar handikapovano ando skamin thaj si les bare psykiscni problemura pala kodo ke sas pushke dino ando shero, ferik ke e krisi acharen sajek ke kado kriminaliteto kaj kherdas si za seriozno ke nashtik tena lel temlica po trajo.

Le duj murce phende thela krisi ke naj doshale, thaj pala convicto phenen sol duje djenengo advokatotura ke shaj kherna apelacia pe krisi

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".