Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Negosiacia po klimato

Publicime måndag 14 december 2015 kl 14.49
Klimat avtal
(6:36 min)
 Foto: Pelle Zettersten/Sveriges Radio
Foto: Pelle Zettersten/Sveriges Radio

O Johan Rockström kaj si klimatforskare ando Stockholms Universitet, penel ke o klimat avtalet si jek baro paso angle ande buchi kusa o klimato.

- Intregi e lumake thema vazden pesko glaso aj penen " akanak paruvas e patrin " karing jek puv kaj naj fossilo. Aj pe kado tordjol intregi thema kethanes, aj vazden vi o levelo pe ambicia maj but sar so bizisajvasas kol bershendar. O zanglipe sas ke o uppvärming/tachipe te sas opral 1,5 gradi sas bari risika pe but thana ande luma taj e manushenge.

E Annica Jacobson anda Greenpeace Sverige, penel ke zurales positivno pe soste ashilas e negosiacia. Ale bish kamlon te diken maj virazni formulacie.

- Me gindi ke intrego miljörörelsen chachimasa kamlon maj virazni formulacie po molo/mål. Naj virazno aj putrel avri sar te ginavas avri e utsläppssänkor ando vesha aj kade, aj chi penel sode angar, gazo taj olej mekas avri. Ale sajek mishto gezdisajlas, chak naj kado gadi negosiacia kaj avla e solucia pe paruimata ando klimato. Kado si feri o angluno paso, pe so zukarel amen, aj ke but musaj te parudjol.

O Svante Axelsson anda Naturskyddsföreningen si zurales loshako ando kado historicno progresso ando Pariso. "En högtidsdag för mänskligheten" jek baro djes le manushimaske penel vof. Ale del vi kritika ke chi dine maj but finanso te maj chore themenge.

- Chupa akanak loshake sam, ale so si mange lashavo si ke chi shute maj but love pe masala. E chorora trubunas te len maj but resursura te shaj maj sigo te ashaven te na hasnin fossila bränslen. Angla mande kodo si lashavo. Te na biri e maj barvali luma te zuti maj but. Chak ame maj but rumusardam le maj chore themenge kusa amare utsläpp/chore gazura.

Vi e Vänsterpartiets partiledare Jonas Sjöstedt penel ke o klimatavtalet si jek historicno negosiacia, aj penel ke fantasticnie ke cinjarde e gradi pe 1,5. Ale vi penel ke naj inke pendo sar site keren te aresen kothe, aj pe kodo musaj te arakas resolucia aba akanak. Aj penel ke maj but slabi punktura si ande negosiacia.

- Line tele e delmålen. O kravet vaj ke musaj te cinjaren e gazura kusa pare procentura tela pare bersh. Aj kodo chak musaj te avel te shaj aresas pe varisoste, te avel amen drom pe sost shaj phiras. Taj godo drom hasajlas kol djesendar avri anda negosiacia. Aj vi kaver slabi bajura si, o finanso slabo si taj trubusardo te skirin pa e utsläpp/ vaj e gazura kaj meken avri e parahodura taj e uraplanura.

Vi o Johan Hultberg, Moderaternas miljöpolitiske talesperson, loshal ke e luma nareshdje kerdas jek globalno klimatovo negosiacia, aj penel ke e sveditsko delegacia kerdas jek zurales lasie buchi te avel jek lasie negosiacia. Ale e maj bari prioritacia e regeringoske angla e klimatförhandlingarna sas ke pe maj lungo vrama te avel len mål sar te cinjaren e gazura, aj kodo si jek anda maj bare problemura ande negosiacia , ke kodo naj.

- Feri biri te penaf, ke o regeringo pelas pe kodo punkto kaj sas maj vazno. Zurales mishtoj ke si amen je avtal/negosiacia loshaf kodo leske. Ale musaj vi te penas ke o regeringo chi kerdas kodo so sas te kerel kana trade ando Pariso.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".