Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Sekurita pe svedoske skoli

Publicime tisdag 15 december 2015 kl 13.11
Jek chaso pirenas krujal
(3:48 min)
 Foto: Sveriges Radio
Foto: Sveriges Radio

Kullaviksskolan ande Kungsbacka si jek anda e 76 skoli ando Svedo kaj sas e Sveriges Radio raportarura ando november, bi varikon te zanel ke von si kothe. Ame samas jek chaso ande skola, zipun gelam kaj o rektoro.

E Eva Hallström si rektorka ande Kullaviksskolan ande Kungsbacka.

- Me acharaf ke kado shaj kerdjol, chores si ke konik chi pushlas pe tutar kon tu san. Ame kamas te avel amen jek puterdi skola jek sekurno than kaj shaj aves. Akanak sam ande jek vrama kaj paruvas amaro gindo sar mezi e luma, but bajura kerdjon pe taj shas maj baro fokuso pe sekurni pushimata/säkerhetsfrågor, pala so kerdjilas pe ande amaro them, penel e Eva Hallström.

O Sveriges Radio sas ande 76 skoli kaj piren te katar e 300 zi kaj 1100 studentura. Ame gelam andre pa gluvno vudar aj pirasas krujal ande skola bi varikon te zanel ke ame avas.

Pe 16 skoli, kaj si pashchi jek anda panch skoli kaj samas, chi dam andré vaj pala 5 minuti pushenas pe kon sam.

Pe 45 skoli, trin anda panch skoli, las 3 minuti vaj maj but zipun varikon pushlas pe amendar so ame kothe keras.

Ande Rydebäcksskolan ando Helsingborgo las trin minuti. O Magnus Lindow kaj si rektoro kothe, pendas ke kodo za but vrama las. Pala kodo so kerdjilas pe ande Trollhättan ando oktober kaj mule trin zene, vazdas e Rydebäckskolan opre kado pushipe.

- Vorbisardam pa kodo ke kana varikon avel ande amari skola musaj te maladjuvas lenca, e skola naj jek zviklo than kaj feri shaj pires tuke krujal. Kade ke trin minuti si dosta lungo vrama, penel vof.

Aj pe 15 skoli, jek anda panch skoli, birisarasas te piras krujal aj te avas kothe karing 45 minuti taj jek chaso zipun ame jek zene gelam te penas ke kothe sam.

E Annica Herr si jek dej, lako chavoro pirel ande Snyggatorpsskolan ande Klippan, kodi si jek anda skoli kaj shoha chi pushle pe mandar kanchi.

-Angla mande trubunas e sichara te vorbin maj seriosno mashkar peste. Ame chak shas amare chavoren ande lenge vast, kana zas tar pe buchi musaj te acharas ke amare chavore si sekurni aj na te dukal amen ando perr. Nashtik piras krujal aj te gindosaras ke amenca chi kerdjol pe kanchi.

15 reportatura pe 10 P4-kanaler anda Sveriges Radio gele tela jek kurko ande 47 skoli kaj sas ande themeske maj bare forura. E statistika anda Skolverket sikavel ke ande skoli si karing 297 taj 1174 studentura.

Ande skoli zasas andre pa gluvno vudar aj pirasas krujal zipun varikon pushelas amendar so kamas vaj shudenas amen avri.

Chi gelam andre ande skoli kaj sas pandade vaj kaj skirias pe ke nashtik zas andre.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".