Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Romane studentura khiden love shavorenge ande Afrika

Publicime torsdag 17 december 2015 kl 14.41
"Importatnoj te kheras kado e shavorensa"
(5:50 min)
E Anna-Carin Arnebjer, kaj si sikavni ande dujto klassa ande Svartbäcksskolan
E Anna-Carin Arnebjer sikavni ande dujto klassa ande Svartbäcksskolan. Foto: Rikard Parno Jansson, Radio Romano.

Ande projekta "Barn hjälper Barn vaj shavora zutin shavoren khiden romane ternora studentura anda Svartbäcksskolan ando Haninge peska shkolasa andre love chorore shavorenge ande Tanzania ande Afrika te shaj han luncho ande shkola.

E voletarno buchi kaj kezdisajlas o paluno berh djal avri pe kodo ke le sikavne khetanes le shavorensa ande fundametno shkola pantulin flaski thaj burkura, biknen diferetni phurane bajura te khiden khetanes love kaj duvar ando bersh bishaven ande Tanzania.

E Anna-Carin Arnebjer, kaj si sikavni ande dujto klassa ande Svartbäcksskolan, las e initiativa te kezdin kadi buchi khetanes le shavorensa.

- Ame lam e shkola karing amende sar jek fadder-shkola, thaj khidas andre love lenge. O angluno bajo kaj e shavora kherde aba dujto razo si ke khide khetane pet-flaski kaj von pantulin thaj len pesa palpale le love ande shkola. Atunchi ame kado khidas andre pala sako klasso thaj kheras kado duvar ando bersh, thaj vi kherdam jek kaver projekta pe shkolake djes kaj biknasas bajura thaj e love ghele po habe. Thaj sas kaj si akanak, khide e shavora andre kichi love thela kado bersh ke le paschi 300 shavora ande shkola ando Dar es Salaam, Tanzania si le luncho thela jek bersh. Thaj ande kado sam zurales dumni, phenel e Anna-Carin Arnebjer.

E Anna-Carin majdur vi phenel ke voj las e inspiracia te kezdij kadi buchi ande shkola pala kode ke lake duj sheja trade ande Tanzania te kheren buchi ande jek chorengo kher thaj vi sicharenas ande jek shkola. Thaj so maj zurales ashilas pe lengo ilo sas ke le shavora ande shkola phirenas bokhale thaj nas le so te han.

Pala kado las e Anna-Carin thaj lake familia thaj privatnie pochindas jek bersh luncho e shkolake ande Tanzania, ferik ke sigo achardas ke jek bersh nas dosta, thaj ingherdas pesa e informacia pa Tanzania ande Svartbäcksskolan te phenel peske kolegonge thaj e shavorenge, kaj sigo achare ke kado si jek lasho gindo kaj kamen te zutin le shavoren ande Afrika.

Ferik ke sode love trobuj o manush te khidel andre te shaj han 300 shavora luncho ande shkola thela jek bersh? E Anna-Carin Arnebjer pale.

- Paschi 60 000 koroni kherel te des 300 shavoren jek tanzianisko shkolako luncho. Chi djal te comperulis lengo habe kusa o luncha kaj han e shavora kathe, ferik ke den le ugali kaj si jek kokurizoski kasha, den riszo thaj varesosko zelenipe. Kodo si jek tradionalno luncho kothe, thaj kadalesa dikhen von bare resultatura ande lengi shkola, kado kherel ke le shavora birin majbut te studiolin, thaj but chorora familji najisin zurales anda kado ke akanak birin lenge shavora te djan ande shkola, kade musaj avilov lenge te kheren buchi. Kado del le vi maj lashe resultatura ande shkola thaj vi possibilita te phiren ande shkola phenel e Anna-Carin.

O 11-bershesko Petro phirel ande panchto klassa ande Svartbäcksskolan thaj vov si jek anda studentura kaj pantulisardas pet-flaski thaj bikindas bajura ande shkola te zutij le shavoren ande Afrika, thaj vov phenel ke mishto si ke birin te djutin kodolen kaj si lenge maj phares.

E Anna-Carin majdur phenel ke jek importatno kotor anda intrego kadi buchi ke kheren kado khetanes le shavorensa te birij kado te djal maj angle, thaj vi ke maj pashe kerdzon jekh kavresa savore ande shkola kana khetanes engazulin pe te djutin le shavoren ande Afrika.

- Kado musaj khetanes te kheras e shavorensa, shaj zutisaras ame, ferik ke e shavora site inkren kado. Te acharen von ke kado si lengi projekta. Thaj kado kerdzilas vi jek bajo ande shkola ke acharas jek khetanipe vaj gemenska kaj kheras kado khetane. Te zutis kaveren zutij amen ande gruppa te avas maj khetane phenel e Anna-Carin Arnebjer anda Svartbäcksskolan.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".