Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Za cera habe te avla kriza ando svedo

Publicime fredag 18 december 2015 kl 15.41
Cera habe.
(5:12 min)
Foto: TT.
Foto: TT.

Te avilov jek seriozno kriziso ando Shvedo, avilamas ande risika sigo te avas bi habesko.

Ferik dopash anda kodo kotor habe kaj ame has si producovano ando Shvedo, thaj intregi preperaciji si shushe de sar lungo vrama palpale.

Akanak bishavel e riksdagens defenciaki gruppa vaj försvarsutskott avri jek broshura te vazden o djanglipe pa kriziso ando Shvedo.

Le Liberalongo sherutno ande gruppa si o Allan Widman.

- O djanglipe pa krizisura cinilas thela pari dececiji. Thaj kado si atveto sostar e defenciaki gruppa akanak aloj te lel jek inititiva te kheren jek stimulacia pe jek vazdino djanglipe pe so trobuj pe lashi preperacia kana avel kaj e kriziso, phenel o Allan Widman.

Kado kherel e defenciaki gruppa te den jek inspiriacia departementon thaj organizacien te ulaven djanglipe avri le manushenge pa sako jekhe manusheski responsibilita kana avel kaj jek kriziso. Kado si ke sako jek manush si zukardo lesatar te del peske rada jekzeno maj thele 72-chasura, djipon shaj zukaren djutip katar e departementura. Sar exemplo trobuj sakones, jek ficklampa, vaj latarka, jek radio kaj djal pe batteriji, campingoski kuhnja, habe thaj paji.

Ke ande jek seriozno krizisa djal sako salo sigo, phenel o Sven Lindgren, ordförande vaj sherutno ando Civilförsvarsförbundet.

- Sako manush gindoj pa peste thaj nashen krujal ande bolti thaj khinen pherdo bajura. Adjes naj skafferier vaj habeske skafura ande moderni khera adjes. Thaj pala jek djes naj aba produktura ande bolti, anda kode ke chi e bolten naj bare lagera. Te dikhes totalnie ando Shvedo kana avel kaj habe, inkherdov 10-12 djes, pala kode naj, phenel o skafferier Sven Lindgren, anda Civilförsvarsförbundet.

Thaj kado si te si kade ke le transportura majdur avilov funktionalni. Te avilov problemo ande transportosko systemo hibazisardov inke maj zurales thaj maj sigo gelov.

Importatnoj manush ande peske khera te acharen ke kadej e situacia, phenel o Sven Lindgren, ke zurales but trobuj o manush te del peske rada korkori te kerdzola jek seriozno kriziso. Kado ke o them zurales cinjarde peski preperacia po kriziso. E diferencia katar kaver thema si ke naj pashe pasha Shvedo produkcia.

E vlasno produkcia po habe si mashkar e 50 zi kaj e 55 procenti. Ame ferik produculisaras cirka dopash anda kodo habe kaj has ando Shvedo. E Finlandosko levelo si 80-procenti. Thaj konik chi shol pe te kherel kadi buchi, phenel o Sven Lindgren majdur.

- Naj chi sosko themeske departemento kaj si les jek khidine responsibilita pe kado adjes. Le politikura chi djanen. O maripe agorisajlas. O Sovjetoski Unia ripsisajlas, thaj sas te avel pacha mindik, ame ghelam andre ando EU. Thaj thela 90-bersh bikindam intrege preperaciake lagera kaj sas ame, shushardam sa, thaj vi pe uche koshti, phenel o Lindgren.

O Shvedo shushardas peske preperaciake lagera po habe thaj kaver bajura, ferik ke na o Finlando, kaj sar exemplo inkherdas peske. Lende ginadoj ke site inkren 12 shon te avla jek maj lungo kriziso.

Chi zanen, phenel o Sven Lindgren pa e shvediska politikura. Thaj e Åsa Lindestam, socialdemokratka thaj vice ordförande vaj sherutni ande riksdagens försvarsutskott, acharel sa kade ke voj thaj kaver shvediska politikura but vrama chi zangle pa kado.

Ja, me sim dumno naivno shvedojka. Thaj me acharav ke shukaresij te aves naivno. Ferik ke vi dikhas ke pharudzol pe maj nasul e situacia ande luma adjes. Musaj te zumavas te acharas so kodo znachij, thaj so shaj kerdzol ande amaro them. Musajij palpale de das, kusa e civilno defencia thaj varesoski forma pe preperacia angla kodo so shaj avla. Kado si pa habe ferik ke vi but kaver bajura, phenel e Åsa Lindestam socialdemokratka thaj vice sherutni ande riksdagens defenciake gruppa.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".